Unexplored tourist places in vilangad | Thirukkayam water falls | Chittari Mala | Nadapuram Mudi | vayamala

Vilangad Mala | Vanimal | Nadapuram Mudi | Chittari Mala | Thirukkayam water falls | Karingad Mala | 

By RK Nadapuram

പറഞ്ഞു തീരാത്ത വിലങ്ങാട്

കോഴിക്കോട് വയനാട് കണ്ണൂർ വനാതിർത്തിയിൽ ഒളിഞ്ഞിരിക്കുന്ന ഒരു അത്ഭുത കേന്ദ്രങ്ങളിലൊന്നാണ് വിലങ്ങാട്. പശ്ചിമഘട്ട മേഖലയിൽ ഉൾപ്പെടുന്ന ഈ പ്രദേശം വൈവിധ്യങ്ങളായ സസ്യങ്ങൾക്കൊണ്ടും ചിത്രശലഭങ്ങൾക്കൊണ്ടും സമ്പുഷ്ടമാണ്. ട്രക്കിങ്ങ് പ്രദേശങ്ങളും പുഴകളുടെ ഉൽഭവവുമൊക്കെ ഈ മലയോര ഗ്രാമത്തിന്റെ ഏതാനും ചില പ്രത്യേകതകൾ മാത്രം. 

തിരുക്കയം വെള്ളച്ചാട്ടം അതിൽ എടുത്തു പറയേണ്ട ഒന്നുതന്നെയാണ്.  നാദാപുരംമുടിയാണ് ഈ പ്രദേശത്ത് ഒളിച്ചിരിക്കുന്ന മറ്റൊരു അത്ഭുതം. മലമുകളിലെത്തുമ്പോൾ യൂസഫലി കേച്ചേരിയുടെ പാട്ടിൽ പറയുന്ന ആ പഴയ നാദാപുരം പള്ളി (നാദാപുരം പള്ളിയിലെ ചന്ദനക്കുടത്തിലെ...) കാണാൻ കഴിയുന്നത് കൊണ്ടാണ് ഈ മലനിരയ്ക്ക് നാദാപുരം മുടി എന്ന് പേര് ലഭിച്ചത്.

ചിറ്റാരിമല സമുദ്ര നിരപ്പിൽ നിന്ന് ഏകദേശം നാലായിരം അടി ഉയരത്തിൽ സ്ഥിതി ചെയ്യുന്ന ഈ പ്രദേശം പുറം നാടുകളിലേക്ക് ഹൈറേഞ്ചുകൾ തേടിപ്പോവുന്നവർ ഒന്ന് കണേണ്ടത് തന്നെയാണ്
പാഞോം മുതൽ കുഞ്ഞോം വരെ വിലങ്ങാട്ട് പാഞോത്ത് നിന്ന് വയനാട്ടിലെ കുഞ്ഞോത്തേക്ക് എത്താൽ വനത്തിലൂടെ വെറും ആറ് കിലോമീറ്റർ സഞ്ചരിച്ചാൽ മതി

Cultural Diversity of Kurichiyar Tribe in Wayanad

Kurichiya | Kurichiyar |  Hill Brahmins | Malai Brahmins | Wayanad valad | Thalappuzha | Kabani River | Kurichiyar Mala | 

By RK Nadapuram

വാളാട്ടെ പിട്ടനും പിട്ടത്തിയും

കിഴക്കോട്ട് ഒഴുകുന്ന കബനിയുടെ ഇരുകരകളിലും പച്ചപുതച്ചുറങ്ങുകയാണ് വാളാടെന്ന തനിനാടൻ ഗ്രാമം. ദുനിയാവുംവിട്ട് വാളാട് പോയി താമസിക്കണമെന്ന് പലരും പറയുന്നത് കേട്ടിട്ടുണ്ട്. ആ നാടൻ വർത്തമാനം അന്വർത്ഥമാക്കുന്ന ഭംഗിയുണ്ട് സത്യത്തിൽ വാളാടിന്. വാഴത്തോട്ടങ്ങളും കാപ്പിയും തേയിലയും കുന്നുകളും താഴ്വരകളും നിറഞ്ഞ വല്ലാത്തൊരു ഹരിതഭംഗിയുള്ള നാട്. പഴശ്ശിയുടെ വലം കൈയായിരുന്ന തലക്കൽ ചന്തുവിന്റെ സമുദായത്തിൽപ്പെട്ട കുറിച്യരാണ് ഗ്രാമവാസികളിലധികവും.

ആദിവാസി വിഭാഗത്തിലെ ഏറ്റവും ഉയർന്ന വിഭാഗക്കാരാണ് കുറിച്യർ. അമ്പും വില്ലും അനായാസം കൈകാര്യം ചെയ്യുന്നവർ, പുതുതലമുറയിലുമുണ്ട് ധാരാളം. അവരുടെ വീടുകളിൽ ഇന്നും സൂക്ഷിച്ചുവരുന്നുണ്ട് ആ പഴയ ഒാർമകൾ. വ്യത്യസ്ഥങ്ങളായ ആചാരങ്ങൾ തുടർന്നുവരുന്നവരാണിതിലധികവും. മെൻസസ് ആവുന്ന സ്ത്രീകൾ വീടിനുള്ളിൽ പ്രവേശിക്കാൻ പാടില്ല എന്നതാണ് അതിൽ പ്രധാനപ്പെട്ടത്. മിക്കതറവാടുകളുടെ പുറകിലും മെൻസസ് ആവുന്ന സ്ത്രീകൾക്ക് താമസിക്കാൻ പ്രത്യേക റൂം സംവിധാനിച്ചിട്ടുണ്ട്. ആ സമയങ്ങളിൽ വീട്ടിലേക്ക് പ്രവേശിക്കാനൊ അവിടെയിരുന്ന് ഭക്ഷണം കഴിക്കാനൊ പാടില്ല. അങ്ങനെ പ്രവേശിച്ചാൽ വീട് അശുദ്ധമാവുമെന്നാണ് അവരുടെ വിശ്വാസം. സ്വന്തം ജാതിയിൽപ്പെട്ടവരെ മാത്രം വിവാഹം കഴിക്കുന്ന കുറിച്യർ മരുമക്കത്തായ സമ്പ്രദായമാണ് പിൻതുടരുന്നത്. വീട്ടിലെ കാരണവരെ പിട്ടനെന്നും കാരണവത്തിയെ പിട്ടത്തിയുമെന്നാണ് വിളിക്കുക.

വിരളിലെണ്ണാവുന്ന തറവാടുകൾ മാറ്റിനിർത്തിയാൽ കുറിച്യത്തറവാടുകളിലധികവും ന്യൂജനാണ്. എന്നിരുന്നാലും അവരുടെ സംസ്കാരവും ആചാരവും കൈമോഷം വരാതെ കാത്തുസൂക്ഷിക്കുന്നുണ്ടവർ. കൃഷി തന്നെയാണ് പ്രധാന വരുമാന മാർഗം, പ്രളയത്തിൽ നഷ്ടപ്പെട്ടതിനെകുറിച്ച് മാത്രമാണവർക്ക് പറയാനുള്ളത്. ഇന്ത്യയിലെ തന്നെ ആദ്യത്തെ ഇക്കോപാർക്കായ 'E3 തീം പാർക്ക് ' സ്ഥിതിചെയ്യുന്നതും വാളാടിനടുത്താണ്. അടുത്ത കൂട്ടുകാരായി മൂന്നുപേരുണ്ട് വാളാട്ട്. ഇബ്രാഹീം, ഷബീറലി, റാഫി, ഇബ്രാഹീമിന്റ വീട്ടീന്ന് അടിപൊളി ഫുഡും കഴിച്ച് ഇടവഴികളിലൂടെ വൈത്തിരിക്ക്...

Best Resorts in Vythiri

Mehan Heights Resort vythiri | Resorts in kalpetta | Resorts in wayanad

മലമുകളിലെ ഉണരൽ

തണുത്തുവിറക്കുന്ന ചുണ്ടൈലിലെ ഒരു മലമുകളിൽ കാപ്പിത്തോട്ടത്തിന് നടുവിലുള്ള ഒരു കൊച്ചു റിസോർട്ടിലാണ് രണ്ട് ദിവസമായിട്ട്, ഭക്ഷണം പാകം ചെയ്തും ഒപ്പം കിടന്നുറങ്ങിയും ഞങ്ങൾ ഒമ്പതുപേർ, മുന്നോട്ടുള്ള കുതിപ്പിന് ഊർജ്ജം ശേഖരിക്കുകയാണിവിടെ

Varieties of Black Tea in Kozhikode Beach

Kozhikode beach food | calicut Food | Black Tea | sulaimani 

കോഴിക്കോട് ബീച്ചിന്റെ വടക്കേ അറ്റത്ത് ഒരുകടയുണ്ട് ബട്ട് റോഡ് ബീച്ചിന് അടുത്തായിട്ട്, കട്ടൻ ചായയാണ് ഇവിടത്തെ പ്രധാന ഹൈലൈറ്റ്. രസകരമായ വ്യത്യസ്ഥ രുചിയുള്ള ഇരുവതോളം തരം കട്ടൻ ചായയാണ് ഇവിടെ കിട്ടുക...

കാശ്മീരി കട്ടൻ, കൽക്കട്ട കട്ടൻ , മൈസൂർ കട്ടൻ, ബോബെ കട്ടൻ
സൗദീ കട്ടൻ തുടങ്ങി വ്യത്യസ്ഥങ്ങളായ പേരിലും രുചിയിലുമുള്ളതാണ്
ഇവിടത്തെ സുലൈമാനി

കോഴിക്കോട് ബീച്ചിന്റെ മൊഞ്ച് ഇങ്ങക്ക് അറിയാലൊ, ആ മൊഞ്ചിലിരുന്ന് ഈ കട്ടനടിക്കുമ്പൊ ആ ഫീൽ ഒന്നൂടെ ഉശ്ശാറാവും.