കൊടുംകാട്ടിൽ അന്തിയുറങ്ങുന്ന ആദിവാസിയും അബ്ദുൽബാരിതങ്ങളും | GUNDARA MAKHAM UROOS BAVALI KARNATAKA

കേരളത്തേയും കർണാടകത്തിനേയും വേർതിരിച്ച് കബനിപ്പുഴ അതിന്റെ ലക്ഷ്യസ്ഥാനത്തേക്ക് ഒഴുകുകയാണ്. ആനയും കടുവയും പുലിയും കാട്ടുപോത്തും മറ്റനേകം വന്യജീവികളും അധിവസിക്കുന്ന കൊടുംകാടാണ് പുഴയുടെ ഇരുകരയിലും, വർഷത്തിലൊരുനാൾ മാത്രം പൊതുജനങ്ങൾക്കായി ഉറൂസിന് (നേർച്ച) വേണ്ടിതുറന്നു കൊടുക്കുന്നുണ്ട് ഈ കൊടുംകാട്. മലയാളം പറയുന്നവർ ബാവലി മച്ചൂര് വഴി പുഴയ്ക്ക് ഇക്കരെ നിന്നും കന്നടക്കാർ മൈസൂർ ആന്ത്രസ്ഥ വഴി പുഴയ്ക്ക് അക്കരെ നിന്നും ജാതിമത ഭാഷാഭേതമന്യേ ആയിരങ്ങളാണ് വന്യമൃഗങ്ങൾ സ്വൗര്യവിഹാരം നടത്തുന്ന ഈ കൊടും കാട്ടിലോട്ട് ഒഴുകുന്നത്.

ഇനിയൽപം പഴയ കഥപറയാം

അറേബ്യയിൽനിന്ന് ഇന്ത്യയിലെത്തിയ പണ്ഡിതന്മാരിലൊരാളെന്ന് പറയപ്പെടുന്ന ഹസ്റത് സയ്യിദ് അബ്ദുൽ ബാരി തങ്ങൾ കർണാടകയിലെ ബാവലിക്കടുത്തുള്ള ബേഗൂർ ഫോറസ്റ്റ് ഒാഫിസിലെത്തുകയും പ്രാർത്ഥന നിർവഹിക്കാനുള്ള അനുവാദം ചോദിക്കുകയും ചെയ്തു. ശേഷം ഒരു ആദിവാസിയേയും കൂട്ടി ഇരുകര കവിഞ്ഞൊഴുകുന്ന കബനിപ്പുഴയിലൂടെ സാഹസികമായി ബന്ദീപൂർ വനത്തിലേക്ക് യാത്ര തിരിച്ചു. ദിവസങ്ങൾ കഴിഞ്ഞിട്ടും തിരിച്ച് വരാതായപ്പോൾ വനപാലകരുടെ അന്വേഷണത്തിൽ കാടിനുള്ളിൽ രണ്ട് ഖബറുകൾ കാണാനിടയായി എന്നൊക്കെയാണ് ചരിത്രം.

വർഷത്തിലൊരുനാൾ ഏപ്രിൽ മാസത്തിൽ വന്യമൃഗങ്ങൾ മേഞ്ഞുനടക്കുന്ന ബന്ദീപൂർ കാട്ടിനുള്ളിൽ അന്തിയുറങ്ങുന്ന തങ്ങളേയും കൂടെപ്പോയ ആദിവാസിയേയും കാണാൻ ഇരട്ടക്കുഴൽ തോക്കേന്തിയ കർണാടക വനപാലകരുടെ സംരക്ഷണത്തിൽ ആയിരങ്ങളാണ് ഇവിടേക്ക് ഒരുകുന്നത്. മാനന്തവാടി മൈസൂർ റോഡിൽ ബാവലി ചെക്ക് പോസ്റ്റ് കഴിഞ്ഞ് അഞ്ചുകിലോമീറ്റർ സഞ്ചരിച്ചാൽ മച്ചൂരെന്ന പ്രദേശത്തെത്താം അവിടെനിന്ന് വലത്തോട്ടുള്ള ചെറിയ റോഡിറങ്ങി മൂന്നുകിലോമീറ്റർ സഞ്ചരിച്ചാൽ മച്ചൂർ ജുമാമസ്ജിദ് കാണാം അവിടെനിന്ന് ഏകദേശം അഞ്ചുകിലോമീറ്റർ സഞ്ചരിച്ചാൽ ഗുണ്ടറയ്ക്ക് പോവാനുള്ള സ്ഥലത്തെത്താം ശേഷം പുഴകടഞ്ഞ് കാട്ടാനകൾ ഉലാത്തുന്ന പുൽമൈതാനിയും കൊടും കാടും കടന്ന് അഞ്ചുകിലോമീറ്റർ നടന്നുവേണം ഗുണ്ടറമഖാമിലെത്താൻ.

മച്ചൂരിനെകുറിച്ച്

എങ്ങും നെൽപാട മൈതാനങ്ങൾ അതിനിടയിലൂടെ പൊട്ടിപ്പൊളിഞ്ഞ ചെറിയൊരു റോഡ്, പാടങ്ങൾക്കിടയിൽ അങ്ങിങ്ങായി ഒാലകൊണ്ടും പുല്ലുകൊണ്ടും മേഞ്ഞ കൊച്ചുവീടുകൾ, അവരുടെ വീടുകളുടെ ഉമ്മറപ്പടിയിലൂടെ ഒഴുകുന്ന കബനിപ്പുഴയുടെ മറുകരയിലോട്ട് നോക്കിയാൽ അവർക്കവരുടെ മലയാള നാടുകാണാം. പ്രകൃതിയോട് പടവെട്ടി ജീവിക്കുന്ന ഒരുപറ്റം ജനത, ഗൗഡന്മാർ എന്നാണത്രെ അവർ അറിയപ്പെടുന്നത്. മുസ്ലിമും ഹിന്ദുവും ക്രിസ്ത്യാനിയും പാർക്കുന്ന ഒരു കൊച്ചു ഗ്രാമം, കർണാടകയുടെ മണ്ണിൽ മലയാളിത്തനിമ ചോരാതെ കാത്തുസൂക്ഷിക്കുന്ന വിഭാഗം

മച്ചൂരുകാരുടെ ഉൽസവമാണ് ഈ ആണ്ടുനേർച്ച, ജാതിമതഭേതമന്യേ അവർ ഒരുമിക്കുകയാണ് മച്ചൂരിലെത്തുന്ന ആയിരങ്ങളെ സ്വീകരിക്കാൻ. പുഴയിൽ ആളുകൾക്ക് സഞ്ചരിക്കാൻ തടയണകൾ നിർമിച്ചും അവർക്ക് ഭക്ഷണവും വെള്ളവും വാഹനവും ഒരുക്കി അവർ ധന്യമാക്കുകയാണ് മച്ചൂരിലെത്തുന്നവരെ.

ഒരു ദിവസം 3 സംസ്ഥാനം 6 ജില്ലകള്‍, 7 ഘോര വനങ്ങളിലൂടെ ഒരു അടിപൊളി യാത്രപോയി വരാം | Chekadi Wayanad | Muthumalai | Bandipur Reserved Forest | Masinagudi | Rayees Koodatt

ഒരു ദിവസം കൊണ്ട് 3 സംസ്ഥാനങ്ങിലൂടെ 6 ജില്ലകള്‍ കടന്ന് കടുവയും പുലിയും കരടിയും ആനയും കാട്ടുപോത്തും ഉലാത്തുന്ന 7 ഘോര വനങ്ങള്‍ താണ്ടി ബൈക്കില്‍ ഒരു അടിപൊളി യാത്രപോവാം. ഇതൊക്കെ സാധിക്കുമോ എന്നായിരിക്കും നിങ്ങളില്‍ പലരും ചിന്തിക്കുന്നത്. എന്നാല്‍ മനസ്സ് വെച്ചാല്‍ ഒരുദിവസം കൊണ്ട് ബൈക്കില്‍ പോയിവരാനാവും. രാവിെല നാല് മണിക്ക് കോഴിക്കോട് നിന്നും പുറപ്പെട്ട് താമരശ്ശേരി കല്‍പ്പറ്റ വഴി പുല്‍പ്പള്ളിക്കടുത്ത് കൊടും വനത്തിനുള്ളില്‍ സ്ഥിതിചെയ്യുന്ന ചേകാടി എന്ന അതിമനോഹരമായ ഗ്രാമത്തിലേക്കാണ് ആദ്യ യാത്ര. 

പട്രി റിസര്‍വ്ട് ഫോറസ്റ്റിനുള്ളിലാണ് ചേകാടിയെന്ന അതിമനോഹരമായ ഗ്രാമം സ്ഥിതിചെയ്യുന്നത്. കല്‍പ്പറ്റ വഴി വരുന്നവര്‍ മുട്ടില്‍ കേണിച്ചിറ വഴി പുല്‍പ്പള്ളിക്കൊ അല്ലെങ്കില്‍ കേണിച്ചിറ നിന്ന് നടവയല്‍ വഴി പുല്‍പ്പള്ളിക്കെ വന്ന് അവിടെ നിന്ന് ഫോറസ്റ്റ് വഴി ചേകാടിക്ക് പോവാവുന്നതാണ്. കേരള കര്‍ണാടക അതിര്‍ത്തിയില്‍ സ്ഥിതി ചെയ്യുന്ന അടിപൊളി ഗ്രാമമാണ് ചേകാടി. മൂന്ന് ഭാഗം ഫോറസ്റ്റും ഒരു ഭാഗം കബനിപ്പുഴയാലും വലയം ചെയ്തിരിക്കുന്നു. നൂറ്റാണ്ടുകളുടെ ചരിത്രമുണ്ട് ചേകാടിക്ക്. മലബാര്‍ മാന്വലില്‍ ചേകാടിയെന്ന ഗ്രാമത്തെക്കുറിച്ച് പരാമര്‍ശിച്ചിട്ടുണ്ട്. 

കബനിപ്പുഴയ്ക്ക് കുറുകെയുള്ള പാലവും കടന്ന് ബാവലി ചെക്‌പോസ്റ്റിലേക്ക്. ചേകാടിയില്‍ നിന്ന് വെറും 7 കിലോമീറ്റര്‍ സഞ്ചരിച്ചാല്‍ ബാവലി ചെക്‌പോസ്റ്റിലെത്താം. പ്രസിദ്ധമായ കുറുവാ ദ്വീപ് ചേകാടി ഗ്രാമത്തിനടുത്താണ് സ്ഥിതി ചെയ്യുന്നത്. ബാവലി ചെക്‌പോസ്റ്റില്‍ നിന്ന് 93 കിലോമീറ്റര്‍ സഞ്ചരിച്ചാല്‍ മൈസൂരിലെത്താം. ശ്രദ്ധിക്കേണ്ടത് രാത്രി 9 മണിക്ക് ചെക്‌പോസ്റ്റ് അടയ്ക്കും. രാജീവ് ഗാന്ധി നാഷനല്‍ പാര്‍ക്കിലൂടെയും നാഗര്‍ഹോള ടൈഗര്‍ റിസര്‍വ്ട് ഫോറസ്റ്റിലൂടെയുമുള്ള മൈസൂരിലേക്കുള്ള യാത്ര എന്നും ഓര്‍മയില്‍ തങ്ങിനില്‍ക്കുന്നതായിരിക്കും. ആനക്കൂട്ടങ്ങളും മാന്‍ക്കൂട്ടങ്ങളും ഇടയ്ക്കിടെ ദര്‍ശനം നല്‍കിക്കൊണ്ടേയിരിക്കും. ഭാഗ്യമുണ്ടെങ്കില്‍ കടുവയും പുലിയൊക്കെ വന്നെന്നും ഇരിക്കും. മാസങ്ങള്‍ക്ക് മുമ്പ് ഈ വഴിയിലുള്ള മച്ചൂര് എന്ന പ്രദേശത്ത് കടുവയിറങ്ങി രണ്ട് പേരെ കൊന്നിരുന്നു. 

മൈസൂരിനെ ചെറുതായി നോക്കിക്കാണാനെ ഈ യാത്രയില്‍ സത്യത്തില്‍ സമയം കിട്ടുകയുള്ളു. ഇനി പോവാനുള്ളത് ബന്ദീപൂരിലേക്കാണ്, മൈസൂരില്‍ നിന്ന് നെഞ്ചന്‍കോട് ഗുണ്ടല്‍പേട്ട് വഴി ബന്ദീപൂരിലേക്ക്. ഇന്ത്യയിലെ തന്നെ അറിയപ്പെടുന്ന കടുവാ സങ്കേതങ്ങളിലൊന്നാണ് ബന്ദീപുര്‍. കര്‍ണാടകയിലെ ചാമരാജനഗര്‍, വയനാട്, തമിഴ്‌നാട്ടിലെ നീലഗിരി എന്നീ മൂന്ന് ജില്ലകളിലായാണ് ബന്ദീപൂര്‍ ടൈഗര്‍ റിസര്‍വ്ട് ഫോറസ്റ്റ് സ്ഥിതിചെയ്യുന്നത്. മൂന്ന് ജില്ലകളുടേയും അതിര്‍ത്തി പങ്കിടുന്നത് മുത്തങ്ങയ്ക്ക് അടുത്തായാണ്. 

ബന്ദീപൂരില്‍ പ്രധാനമായും കാണാനുള്ളത് ഗോപാല്‍സ്വാമി ബേട്ട് ടെംപിള്‍ ആണ്. സമുദ്ര നിരപ്പില്‍ നിന്നും ഏകദേശം അയ്യായിരം അടി ഉയരത്തിലാണ് ഗോപാല്‍ സ്വാമി ടെംപിള്‍ സ്ഥിതി ചെയ്യുന്നത്. ബന്ദീപൂര്‍ ഫോറസ്റ്റിനുള്ളിലെ ഏറ്റവും ഉയരം കൂടിയ മുടി കൂടിയാണിത്. ബന്ദീപൂര്‍ ഫോറസ്റ്റ് കഴിഞ്ഞ് നേരെ ചെല്ലുന്നത് തമിഴ്‌നാട് ബോര്‍ഡറിലേക്ക്. പിന്നീടങ്ങോട്ട് മുതുമല റിസര്‍വ്ട് ഫോറസ്റ്റ് വഴിയാണ് യാത്ര. മനസ്സിനെ കുളിരണിയിപ്പിക്കുന്ന തിങ്ങിനിറഞ്ഞ ഘോരവനം ഇടയ്ക്ക് പേടിപ്പെടുത്താന്‍ ആനക്കൂട്ടങ്ങളും കാട്ടുപോത്തും വന്നുകൊണ്ടോയിരിക്കും, സിംഹവാലന്‍ കുരങ്ങുകള്‍ കൂടുതലായും കണ്ടുവരുന്നത് ഈ ഭാഗങ്ങളിലാണ്. 

മറ്റൊരു പ്രധാനപ്പെട്ട സംഗതി ബന്ദീപൂരിലും മുതുമലയിലും ഫോറസ്റ്റിനുള്ളില്‍ സര്‍ക്കാറിന്റെ താമസ സൗകര്യം ഉണ്ട്. 1600 രൂപ കൊടുത്ത് മുന്‍കൂട്ടി ഓണ്‍ലൈനില്‍ ബുക്ക് ചെയ്യുന്നവര്‍ക്ക് കാട്ടിനുള്ളില്‍ താമസിക്കാനാവും. ജീവിതത്തില്‍ ഒരിക്കലും മറക്കാനാത്ത ഒരു അനുഭവം ആയിരിക്കും അത് എന്നത് നിസ്തര്‍ക്കമാണ്. ബുക്ക് ചെയ്യാന്‍ https://www.mudumalaitigerreserve.com/  മുതുമല ഫോറസ്റ്റിനുള്ളില്‍ വരുന്ന തെപ്പക്കാട് എന്ന് പ്രദേശത്ത് നിന്ന് റോഡ് രണ്ടായി തിരിയും. ഒന്ന് സഞ്ചാരികളുടെ ഇഷ്ട കേന്ദ്രമായ മസിനഗുഡി വഴി ഊട്ടിയിലേക്കും മറ്റൊന്ന് ഗുഡല്ലൂര്‍ വഴി ഊട്ടിക്കും. ഊട്ടിക്കുള്ള നാഷനല്‍ ഹൈവേ കടന്ന് പോവുന്നത് ഗുഡല്ലൂര്‍ വഴിയാണ് ഏകദേശം 70 കിലോമീറ്ററുണ്ട് തെപ്പക്കാട് നിന്ന് ഊട്ടിക്ക്. എന്നാല്‍ വെറും 36 കിലോമീറ്റര്‍ സഞ്ചരിച്ചാല്‍ മസിനഗുഡി വഴി ഊട്ടിയ്‌ലെത്താം. 

തെപ്പക്കാട് നിന്ന് മൊയാര്‍ പുഴയ്ക്ക് കുറുകെയുള്ള വളരെ വീതികുറഞ്ഞ പാലം കടന്നാണ് ഊട്ടിക്ക് പോവേണ്ടത്. പാലത്തിലൂടെ വലിയ വാഹനങ്ങള്‍ക്ക് കടന്ന് പോവാന്‍ കഴിയില്ല. പാലം കടന്നാല്‍ ഫോറസ്റ്റിനുള്ളിലൂടെയുള്ള വളരെ വീതികുറഞ്ഞ റോഡ്, ചെന്നുചേരുന്നത് മസിനഗുഡിയെന്ന കാട്ടിനുള്ളിലെ ചെറിയൊരു ടൗണിലേക്ക്. അവിടുന്നങ്ങോട്ട് കുറച്ച് സഞ്ചരിച്ചാല്‍ കണ്ണെത്താ ദൂരത്തേക്ക് പരന്നുകിടക്കുന്ന മലനിരകള്‍ നമ്മളിലേക്ക് സഞ്ചരിക്കുന്നത് പോലെ തോന്നും. അപകടം പതിയിരിക്കുന്ന  36 കൂറ്റന്‍ ഹെയര്‍പിഞ്ഞുകള്‍ താണ്ടി ഊട്ടിപ്പട്ടണത്തിലേക്ക്. അവിടുന്ന് ഗുഡല്ലൂര്‍, നാടുകാണി ചുരം, നിലമ്പൂര്‍ ഫോറസ്‌റ് വഴി കോഴിക്കോട്ടേക്ക്.

തൊള്ളായിരം കണ്ടിയിലെ മണ്‍വീട്‌ | 900 KANDI WAYANAD | AN ADVENTURE TREKKING SPOT IN WAYANAD

Best trekking place in wayanad | best adventure place in wayanad |  900 kandi stay | chooralmala | discover wayanad | how to reach 900 kandi | 900 kandi images | 

വന്യ മൃഗങ്ങള്‍ വസിക്കുന്ന കാടും, വെള്ളച്ചാട്ടവും, മലനിരകളും അതിന്റെ ഉച്ചിയില്‍ മണ്ണില്‍ തീര്‍ത്തൊരു മണ്‍വീടും ഉണ്ടെങ്കില്‍ എന്ന് സ്വപ്‌നം കണ്ടുനോക്കിയെ! അടിപൊളിയാവില്ലെ, എന്നാല്‍ അത് വെറും സ്വപ്‌നമല്ല അങ്ങനെയൊരു സ്ഥലമുണ്ട്. ഒരു യാത്രികന് ഏറ്റവും ഇഷ്ടപ്പെട്ടതെല്ലാം ഒറ്റ ഫ്രയിമില്‍ വരുന്നൊരിടം. വയനാട്ടിലെ മേപ്പാടിയില്‍ നിന്ന് സൂചിപ്പാറ-ചൂരമല റൂട്ടില്‍ ഏകദേശം 15 കിലോമീറ്റര്‍ സഞ്ചരിച്ചാല്‍ വയനാടിന്റെ കാനന ഭംഗിയുടെ തലസ്ഥാനമായ തൊള്ളായിരം കണ്ടിയിലെത്താം. തിങ്ങിനിറഞ്ഞ വനം പ്രദേശത്തിനിടയിലൂടെ വളരെ വീതികുഞ്ഞ താറിട്ട റോഡ് രണ്ട് കിലോമീറ്റര്‍ മുകലിലോട്ട് എത്തുമ്പോള്‍ കുറേ റിസോട്ട് ഒക്കെ കാണാനാവും.

അവിടുന്നങ്ങോട്ട് റോഡിന്റെ ഇരുവശങ്ങള്‍ മാത്രം കോണ്‍ക്രീറ്റ് ചെയ്ത ചെറിയ റോഡ്. കഷ്ടിച്ച് ഒരു വാഹനത്തിന് മാത്രം പോവാന്‍ കഴിയുന്ന വീതിയലാണ് റോഡുള്ളത്. കുറേയങ്ങ് മുകളിലെത്തുമ്പോള്‍ വലിയൊരു കുളം കാണാം, നാട്ടിന്‍ പ്രദേശങ്ങളില്‍ നിന്ന് പിടിക്കുന്ന പാമ്പുകളെ ഇവിടെയാണ് കൊണ്ടിടുന്നതെന്നാണ് അറിയാന്‍ കഴിഞ്ഞത്. മുകളില്‍ വലിയൊരു വ്യൂ പോയിന്റും വെള്ളച്ചാട്ടവുമുണ്ട്.

വെള്ളച്ചാട്ടത്തിനും വ്യൂ പോയിന്റിലേക്കും പോവുന്നതിന്റെ മുമ്പാണ് നമ്മുടെ സ്വപ്‌നമായ മണ്‍വീട് കിടക്കുന്നത്. മൂക്കില്‍ തുളച്ചു കയറുന്ന കാപ്പിപ്പൂവിന്റെയും പൂത്തുനില്‍ക്കുന്ന ഏലത്തിന്റെയൊക്കെ വര്‍ണാതീതമായ മണങ്ങള്‍ ആസ്വദിച്ചാണ് മണ്‍വീട്ടിലേക്ക് പോവേണ്ടത്. തീര്‍ത്തും മണ്ണില്‍ പണികഴിച്ചൊരു കൊച്ചുവീട്. ഒരു കിച്ചനും ഒരു വലിയ ബെഡ് റൂം, ഇരിക്കാനൊക്കെയായി പുറത്ത് കാപ്പിവടിയില്‍ തീര്‍ത്തൊരു അടിപൊളി  ഇരിപ്പിടം, തൊട്ടടുത്ത് തന്നെ ടോയ്‌ലറ്റും.

കഴിഞ്ഞ ശക്തമായ മഴയിലും ഉരുള്‍പ്പൊട്ടലിലും വീടിന് അങ്ങിങ്ങായി കേടുപാടുകള്‍ സംഭവിച്ചിട്ടുണ്ട്. ഓലയും പുല്ലുമാണ് മുകള്‍ ഭാഗത്ത് ഉപയോഗിച്ചിരിക്കുന്നത്. മലമുകളില്‍ നിന്ന് പൈപ്പുമാര്‍ഗം വരുന്ന ശുദ്ധമായ വെള്ളം ഏത് കാലാവസ്ഥയിലും ലഭ്യമാണ്. തിങ്ങിനില്‍ക്കുന്ന മലകള്‍ക്കിടയിലൂടെ ഊര്‍ന്നിറങ്ങുന്ന സൂചിപ്പാറ വെള്ളച്ചാട്ടം തയുയര്‍ത്തി നില്‍ക്കുന്ന ചെമ്പ്ര പീകും ഒക്കെ സമീപ പ്രദേശങ്ങളില്‍ തന്നെയാണ്.

രാത്രി ഏറെ വൈകിയാണ് ഞങ്ങള്‍ തൊള്ളായിരം കണ്ടിയിലെത്തിയത് മേപ്പാടിയില്‍ നിന്ന് വാങ്ങിയ മീനും ചിക്കനുമൊക്കെ അടിപൊളിയില്‍ ഉണ്ടാക്കി വിശപ്പടക്കിയാണ് കിടന്നുറങ്ങിയത്. ശരീരം കോച്ചുന്ന തണുപ്പാണ് ഈ ചൂടന്‍ കലാവസ്ഥയിലും തൊള്ളായിരം കണ്ടിയില്‍, രാവിലെ എണീറ്റ് തീക്കണലിട്ട് നല്ല കട്ടന്‍ല ചായയും കഞ്ഞിയും ഉണ്ടാക്കി, മലമുകളില്‍ നിന്ന് വരുന്ന പനനീര്‍ വെള്ളത്തില്‍ അടിപൊളിയായി കുളിയും കഴിഞ്ഞാണ് തൊള്ളായിരം കണ്ടിയോട് വിടപറഞ്ഞത്.

ഇനി വയനാട്ടില്‍ പോവാന്‍ ചുരം കയറേണ്ട | BEST OFF ROAD RIDE TO WAYANAD | BEST TREKKING PLACE IN CALICUT | WAYANAD

BEST TREKKING PLACE IN KERALA | BEST TOURIST PLACE IN CALICUT | WAYANAD | NADAPURAM MUDI | KARINGAD MALA | LADAK MALA | KORANGAPPARA |

വയനാട് എന്ന് കേള്‍ക്കുമ്പോള്‍ നമ്മുടെ മനസ്സില്‍ ആദ്യം ഓടിയെത്തുക വളഞ്ഞു പുളഞ്ഞുപോവുന്ന ചുരങ്ങളും അതില്‍ ചീറിപ്പാഞ്ഞ് വരുന്ന വാഹനങ്ങളുമായിരിക്കും. വയനാട് ജില്ലയിലോട്ട് പോവണമെങ്കില്‍ ചുരം
കയറല്‍ നിര്‍ബന്ധമാണ്. താമരശ്ശേരി ചുരം, പാല്‍ ചുരം, നാടുകാണി ചുരം, കുറ്റ്യാടി ചുരം തുടങ്ങിയവയാണ് വയനാട്ടിലേക്കുള്ള പ്രധാന മാര്‍ഗങ്ങള്‍. എന്നാല്‍ ചുരമില്ലാതെ വയനാട്ടിലേക്കെത്താവുന്ന ഒരു വഴിയാണ് പരിചയപ്പെടുത്തുന്നത്. തൊട്ടില്‍പാലത്ത് നിന്ന് ഏകദേശം 6 കിലോമീറ്റര്‍ സഞ്ചരിച്ചാല്‍ നാം കുറ്റ്യാടി ചുരത്തിലെത്തും. കുറ്റ്യാടി ചുരത്തിന് തൊട്ടില്‍പാലം ചുരമെന്നും പക്രംതളം ചുരമെന്നൊക്കെ പേരുണ്ട്. താമരശ്ശേരി ചുരം കഴിഞ്ഞാല്‍ വയനാട്, മൈസൂര്‍, ബാംഗ്ലൂര്‍, തുടങ്ങിയ സ്ഥലങ്ങലിലേക്ക് പോവാന്‍ കോഴിക്കോട് ജില്ലയിലുള്ളവര്‍ പ്രധാനമായും ആശ്രയിക്കുന്നത് കുറ്റ്യാടി ചുരമാണ്.

ചുരം തുടങ്ങുന്നതിന്റെ കുറച്ച് മുമ്പ് പൂതംമ്പാറ എന്നൊരു സ്ഥലമുണ്ട്. അവിടെ നിന്ന് ഇടത്തോട്ട് പോവുന്ന ചെറിയൊരു റോഡ്‌, ആ വഴിയില്‍ ഏകദേശം 9കിലോമീറ്റര്‍ ഓഫ് റോഡില്‍ സഞ്ചരിച്ചാല്‍ വയനാട്ടിലെത്താം. മെയിന്‍ റോഡില്‍ നിന്ന് ഏകദേശം രണ്ട് കിലോമീറ്റര്‍ നല്ല താറിങ് ചെയ്ത റോഡ് കിട്ടും പിന്നിടങ്ങോട്ട് പോവുമ്പോല്‍ നല്ല പൊട്ടിപ്പൊളിഞ്ഞ റോഡാണ്. റോഡിന്റെ ഇരുവശങ്ങളിലും നല്ല ഭംഗിയുള്ള പ്രദേങ്ങളാണ്, ചിലയിടങ്ങളില്‍ പച്ചക്കറി കൃഷിയും മറ്റും കാണാം

പിന്നിടങ്ങോട്ട് മലഞ്ചെരുവിലൂടെയുള്ള യാത്രയാണ്. വളരെ ചുരുങ്ങിയ വീടുകളാണ് ഈ പ്രദേശങ്ങളിലുള്ളത്. ഓഫ് റോഡ് യാത്ര ഇഷ്ടപ്പെടുന്നവര്‍ക്ക് എന്തുകൊണ്ടും തിരഞ്ഞെടുക്കാവുന്ന റൂട്ടാണിത്. ട്രക്കിങ് ഇഷ്ടപ്പെടുന്നവര്‍ക്ക് കയറിപ്പോവാന്‍ നിരവധി ചെറിയ കുന്നുകളും മലനിരകളും ഈ വഴിയിലുണ്ട്. പ്രസിദ്ധമായ നാദാപുരം മുടിയിലോട്ട് പോവേണ്ട പ്രധാന വഴികളിലൊന്ന് ഈ റോഡില്‍ നിന്നാണ് തുടങ്ങുന്നത്. കൂടാതെ കരിങ്ങാട് മല കൊരണപ്പാറ ലടാക്ക് മല തുടങ്ങിയ മല നിരകളിലേക്കുള്ള വഴികളെല്ലാം തുടങ്ങുന്നത് ഈ വഴിയില്‍ നിന്നാണ്‌. കൂറെ മുകളിലെത്തുമ്പോള്‍ വീതി കൂടിയ വലിയൊരു റോഡ് കിട്ടും തൊട്ടടുത്തായി വലിയൊരു ക്രഷര്‍ പ്രവര്‍ത്തിക്കുന്നുണ്ട് അവിടേക്കുള്ള വഴിയാണ് മുകളിലോട്ട് പോവുന്നത്, വലിയ റോഡില്‍ നിന്ന് താഴോട്ട് കാണുന്ന റോഡിലാണ് നമുക്ക് പോവാനുള്ളത്.  

സ്ഥലത്തെക്കുറിച്ച് ചോദിക്കാനും മറ്റും വഴിയിലൊന്നും ആരേയും കണ്ടില്ല. കഴിഞ്ഞ ശക്തമായ മഴയില്‍ ഉരുള്‍ പൊട്ടിയതിന്റെ ബാക്കി പത്രങ്ങള്‍ വഴിയില്‍ അങ്ങിങ്ങായി കാണാം. ഏകദേശം ഒമ്പതാം വളവിന് സമാന്തരമായി എത്തുന്ന സ്ഥലത്ത് നല്ലരീതിയില്‍ സജീകരിച്ച ചെറിയൊരു റിസോര്‍ട്ട് കാണാം, അതിന്റെ തൊട്ട് മുകളിലായി മറ്റൊരു വീട് കൂടിയുണ്ട്, പക്ഷെ അവിടങ്ങളിലൊന്നും ആരും ഉണ്ടായിരുന്നില്ല. അവിടെ നിന്ന് കുറച്ച് ദൂരം മാത്രമാണ് മെയിന്‍ റോഡിലെത്താനുള്ളത്. പക്രംതളത്തിലെ കപ്പല്‍ ബില്‍ഡിങ് ഒരു വൈഡ് ഫ്രയിമില്‍ കാണാം. കാട്ടുവഴികള്‍ താണ്ടി മെയിന്‍ റോഡില്‍ എത്തുമ്പോള്‍ വല്ലാത്തൊരു ഫീലാണ്. ബൈക്ക് യാത്രക്കാര്‍ക്ക് അടിപൊളിയായി പോയി ആസ്വദിക്കാന്‍ പറ്റിയ സൂപ്പര്‍ സ്ഥലമാണിത്‌.