100 പള്ളികളുടെ നഗരം | Ponnani Tourism | Best Places to Visit in Malappuram

വടക്ക് ഭാരതപുഴയും തെക്ക് പൂകൈതപ്പുഴയും കിഴക്ക് കനാലികനാലും പടിഞ്ഞാറ് അറബിക്കടലിനാലും വലയം ചെയ്ത പൊന്നാനി എന്ന ചരിത്ര നഗരത്തിന്റെ കേളി ലോകമെങ്ങും പ്രസിദ്ധമാണ്.

200 കിലോമീറ്റർ അപ്പുറത്തുള്ള ആനമലയിൽ നിന്ന് ഉൽഭവിക്കുന്ന ഭാരതപ്പുഴ വിഭിന്നമായ കലയോടും സംസ്കാരങ്ങളോടും സല്ലപിച്ച് അറബിക്കടലിനോട് സംഗമിക്കുന്നത് പൊന്നാനിയിൽ വച്ചാണ്.

ഏകദേശം 100ഒാളം മസ്ജിദുകളാണ് പൊന്നാനിയുടെ പലഭാഗങ്ങളിലുമായുള്ളത്. ഇത്രയധികം പള്ളികളുള്ള ഒരു ചെറുനഗരം ഒരുപക്ഷേ ലോകത്ത് മറ്റൊന്ന് ഉണ്ടാവില്ല. അതിൽ ഏറ്റവും പ്രധാനപ്പെട്ടത് 1519ൽ സൈനുദ്ദീൻ മഖ്തും ഒന്നാമൻ നിർമ്മിച്ച വലിയ ജുമാഅത്ത് പള്ളിയാണ്. തൊള്ളായിരം വർഷത്തിലധികം പഴക്കമുള്ള തോട്ടുങ്ങൽ പള്ളിയാണ് പൊന്നാനിയിലെ ഏറ്റവും പഴക്കംചെന്ന പള്ളിയെന്ന് വിശ്വസിക്കപ്പെടുന്നു.

വലിയ ജുമഅത്ത് പള്ളിയുടെ നിർമാണ രീതി ഏവരേയും അത്ഭുതപ്പെടുത്തുന്നതാണ്, ഭൂരിഭാഗവും മരത്തടിയിലാണ് വലിയ ജുമഅത്ത് പള്ളി നിർമ്മിച്ചിരിക്കുന്നത്

ponnani tourism malappuram tourism #kerala tourism, rknadapuram, rayees koodatt

കടലും പുഴയും തുരുത്തുകളും പക്ഷി സങ്കേതവും കടലുണ്ടി അടിപൊളിയാണ് | Kadalundi Tourism | Best Places to Visit in Calicut, Malappuram

 

സൈലന്റ് വാലിയിൽ നിന്ന് ഉൽഭവിച്ച് മലപ്പുറം ജില്ലയുടെ ഹൃദയ ഭാഗത്തുകൂടെ ഒഴുകി അറബിക്കടലിനോട് കിസ്സ പറയുന്ന കടലുണ്ടി പുഴയുടേയും, എളമ്പിലേരി മലനിരകളിൽ നിന്ന് ഉൽഭവിച്ച് മലപ്പുറത്തുകാരോടും കോഴിക്കോട്ടുകാരോടും കഥകൾ പറഞ്ഞ് അറബിക്കടലിൽ ചെന്നിറങ്ങുന്ന ചാലിയാർ പുഴയുടേയും തീരങ്ങളിൽ തിങ്ങിനിറഞ്ഞ കണ്ടൽക്കാടുകളാൽ പച്ചവിരിച്ച് നിൽക്കുന്ന കുറേ കൊച്ചു തുരുത്തുകളുള്ള ഒരു അതിമനോഹരമായ തീരദേശ ഗ്രാമമാണ് കടലുണ്ടി.

കോഴിക്കോട് ജില്ലയിലെ കടലുണ്ടി പഞ്ചായത്തിലും മലപ്പുറം ജില്ലയിലെ വള്ളിക്കുന്ന് പഞ്ചായത്തിലും പരന്നു കിടക്കുന്ന ഈ അഴിമുഖ ഗ്രാമത്തിൽ നിരവവധി കാഴ്ചകളുണ്ട് കാണാൻ.

രാജ്യത്തെ നടുക്കിയ 2001ലെ തീവണ്ടി അപകടത്തിന്റെ നീറുന്ന ഒാർമകളുടെ ബാക്കിപത്രം ഇന്നുമുണ്ട് കടലുണ്ടി പുഴയിൽ. പൂർണമായും വെള്ളത്താൽ ചുറ്റപ്പെട്ട ബാലതുരുത്തിയും ചെറുതുരുത്തിയും ഈ നാടിന്റെ സൗന്ദര്യത്തിന് മാറ്റ് കൂട്ടുന്നു.

വിവിധയിനം കണ്ടലുകളാൽ അലങ്കരിച്ച ബാലതുരുത്തിയാണ് ഇതിൽ പ്രധാനപ്പെട്ടത്. പ്രധാനമായും രണ്ട് വഴികളാണ് ബാലതുരുത്തിയിലെത്താൻ, ഒന്ന് ഗതാഗതത്തിനും മറ്റൊന്ന് കാൽനടയാത്രയ്ക്കുമുളളതാണ്. മലപ്പുറം ജില്ലയിലെ വള്ളിക്കുന്ന് പഞ്ചായത്തിലാണ് ഈ തുരുത്ത് സ്ഥിതിചെയ്യുന്നത്.

ഒരു ദിവസം തുരുത്തിൽ താമസിച്ച് ഭക്ഷണമൊക്കെ കഴിച്ച് മടങ്ങാനുള്ളവർക്ക് അവസരമൊക്കുന്നുണ്ട് ചെറുതുരുത്തിയിൽ. ഹോ സ്റ്റേയിലെ താമസവും ഭക്ഷണവും നല്ല അനുഭവമാണ് ചെറുതുരുത്തി സമ്മാനിക്കുന്നത്. ബാലതുരുത്തിയും ചെറുതുരുത്തിയും അടുത്തടുത്ത പ്രദേശങ്ങളാണെങ്കിലും ചെറുതുരുത്തി കോഴിക്കോട് ജില്ലയുടെ ഭാഗമാണ്.

മറ്റൊരു പ്രധാന ആകർഷണം സർക്കാറിന്റെ പക്ഷി സങ്കേതമാണ്. അനേകം ദേശടനക്കിളികളാൽ സമ്പന്നമായ കടലുണ്ടി പുഴയിലെ മറ്റൊരു കര, ഇവിടെ നിന്ന് കടലുണ്ടിയിലെ കാഴ്ചകൾ കാണാൻ സർക്കാറിന്റെ ബോട്ട് സംവിധാനവും ഉണ്ട്. കോഴിക്കോട് ജില്ലയിലെ കടലുണ്ടി പഞ്ചായത്തിലാണ് ഈ കര സ്ഥിതിചെയ്യുന്നത്.

കടലുണ്ടി പാലത്തിനടിയിലെ തട്ടുകടയിൽ നിന്ന് ഐസ് ഒരതിയതും ഉപ്പിലിട്ടതും വാങ്ങി അഴിമുഖത്തെ തെങ്ങിൻ തോപ്പിലെ പാറയിലിരുന്ന് നല്ല തണുത്ത കടൽക്കാറ്റും കൊണ്ട് ചാലിയത്തെ പുളിമുട്ടും നീണ്ടുപരന്നു കിടക്കുന്ന ബീച്ചും അതും കൂടാതെ കടലുണ്ടി പുഴ അറബിക്കടലിനോട് രമിക്കുന്ന കാഴ്ചയും കണ്ട് മടങ്ങിയാൽ ശരീരം മാത്രമല്ല മനസ്സും ഒന്ന് തണുക്കും

kadalundi tourism #malappuram #kozhikode #kozhikodebeach #beypore #chaliyam #kadalundi #rknadapuram rayees koodatt

ഉച്ചയ്ക്ക് സൂര്യനുദിക്കുന്ന നീലഗിരിയിലെ കിണ്ണക്കൊര ഗ്രാമത്തിലേക്ക് | Kinnakorai Village Ootty

നീലഗിരിയിൽ വനത്തിനുള്ളിലായി മഞ്ഞ് മൂടിപ്പുതച്ചുറങ്ങുന്നൊരു പ്രദേശമാണ് കിണ്ണക്കൊര ഗ്രാമം, നീലഗിരിയിലെ മഞ്ഞുപെയ്യുന്ന മഞ്ചൂരിൽ നിന്ന് മലമ്പാതകളും വനപാതകളും താണ്ടിവേണം കിണ്ണക്കൊരയിലെത്താൻ.

കോഴിക്കോട് നിന്ന് നിലമ്പൂർ ഗുഡല്ലൂർ ഊട്ടി മഞ്ചൂർ വഴിയും, കോഴിക്കോട് നിന്ന് പെരിന്തൽമണ്ണ അട്ടപ്പാടി മുള്ളി ചുരം വഴിയും കിണ്ണക്കൊരയിലെത്താം.

ഊട്ടിയിൽ നിന്ന് 35 കിലോമീറ്റർ അകലെയായി മാമലകൾക്ക് മുകളിലായി നീലഗിരിയുടെ സൗന്ദര്യത്തിന് കാവലിരിക്കുന്ന മഞ്ഞുമൂടിയ മഞ്ചൂരിൽ നിന്ന് തായ്ഷോല ഗ്രാമത്തിന്റെ ഹരിത ഭംഗിയിൽ എണ്ണിയാലൊതുങ്ങാത്ത ഹെയർപിൻ വളവുകൾ താണ്ടി, വന്യമൃഗങ്ങൾ സ്വര്യവിഹാരം നടത്തുന്ന സൗത്ത് നീലഗിരി ഫോറസ്റ്റിലൂടെ 40ഒാളം കിലോമീറ്ററുകൾ സഞ്ചരിച്ചാൽ ഉച്ചയ്ക്ക് സൂര്യനുദിക്കുന്ന കിണ്ണക്കൊര ഗ്രാമത്തിലെത്താം.

നീലഗിരിയിലെ സ്വർഗീയ ഗ്രാമമാണ് കിണ്ണക്കൊര, ഊട്ടിയിൽ നിന്ന് തുടങ്ങി മഞ്ചൂർ വഴി കിണ്ണക്കൊരയിലെത്തുന്ന മെയിൻ പാത കിണ്ണക്കൊരയ്ക്ക് അടുത്തുള്ള ഹിരിയസിഗായ് എന്ന ഗ്രാമത്തിലാണ് അവസാനിക്കുന്നത്. വളരെ കുറഞ്ഞ വീടുകളുള്ള ഒരു വനയോര ഗ്രാമം. പുറം നാടുകളിൽ നിന്ന് അനേകമാളുകളാണ് കിണ്ണക്കൊരയുടെ സൗന്ദര്യമാസ്വദിക്കാൻ ദിനംപ്രതി ഇവിടെ എത്തുന്നത്. ചെറിയ ഒരു ചായക്കട മാത്രമാണ് ഈ ഗ്രാമത്തിലുള്ളത്. 40കിലോമീറ്റർ അകലെയുള്ള മഞ്ചൂർ വിട്ടാൽ താമസ സൗകര്യങ്ങളൊ പെട്രോൾ പമ്പുകളൊ ഒന്നുമില്ല.

പ്രഭാത സമയങ്ങളിൽ മഞ്ഞുമൂടിക്കിടക്കുന്നതിനാൽ ഈ ഗ്രാമത്തിലുള്ളവർ വളരെ വൈകിയാണ് സൂര്യനെ കാണാറുള്ളത്. ഊട്ടിയിലേക്ക് യാത്ര ചെയ്യുന്നവർ നിർബന്ധമായും കണ്ടിരിക്കേണ്ട ഒരിടമാണ് കിണ്ണക്കൊര ഗ്രാമം.

kinnakorai stay | palakkad tokinnakorai | kinnakorai climate | kinnakkorai otty | rayees koodatt | rk nadapuram | mulli |