കൊടുംകാട്ടിൽ അന്തിയുറങ്ങുന്ന ആദിവാസിയും അബ്ദുൽബാരിതങ്ങളും | GUNDARA MAKHAM UROOS BAVALI KARNATAKA

കേരളത്തേയും കർണാടകത്തിനേയും വേർതിരിച്ച് കബനിപ്പുഴ അതിന്റെ ലക്ഷ്യസ്ഥാനത്തേക്ക് ഒഴുകുകയാണ്. ആനയും കടുവയും പുലിയും കാട്ടുപോത്തും മറ്റനേകം വന്യജീവികളും അധിവസിക്കുന്ന കൊടുംകാടാണ് പുഴയുടെ ഇരുകരയിലും, വർഷത്തിലൊരുനാൾ മാത്രം പൊതുജനങ്ങൾക്കായി ഉറൂസിന് (നേർച്ച) വേണ്ടിതുറന്നു കൊടുക്കുന്നുണ്ട് ഈ കൊടുംകാട്. മലയാളം പറയുന്നവർ ബാവലി മച്ചൂര് വഴി പുഴയ്ക്ക് ഇക്കരെ നിന്നും കന്നടക്കാർ മൈസൂർ ആന്ത്രസ്ഥ വഴി പുഴയ്ക്ക് അക്കരെ നിന്നും ജാതിമത ഭാഷാഭേതമന്യേ ആയിരങ്ങളാണ് വന്യമൃഗങ്ങൾ സ്വൗര്യവിഹാരം നടത്തുന്ന ഈ കൊടും കാട്ടിലോട്ട് ഒഴുകുന്നത്.

ഇനിയൽപം പഴയ കഥപറയാം

അറേബ്യയിൽനിന്ന് ഇന്ത്യയിലെത്തിയ പണ്ഡിതന്മാരിലൊരാളെന്ന് പറയപ്പെടുന്ന ഹസ്റത് സയ്യിദ് അബ്ദുൽ ബാരി തങ്ങൾ കർണാടകയിലെ ബാവലിക്കടുത്തുള്ള ബേഗൂർ ഫോറസ്റ്റ് ഒാഫിസിലെത്തുകയും പ്രാർത്ഥന നിർവഹിക്കാനുള്ള അനുവാദം ചോദിക്കുകയും ചെയ്തു. ശേഷം ഒരു ആദിവാസിയേയും കൂട്ടി ഇരുകര കവിഞ്ഞൊഴുകുന്ന കബനിപ്പുഴയിലൂടെ സാഹസികമായി ബന്ദീപൂർ വനത്തിലേക്ക് യാത്ര തിരിച്ചു. ദിവസങ്ങൾ കഴിഞ്ഞിട്ടും തിരിച്ച് വരാതായപ്പോൾ വനപാലകരുടെ അന്വേഷണത്തിൽ കാടിനുള്ളിൽ രണ്ട് ഖബറുകൾ കാണാനിടയായി എന്നൊക്കെയാണ് ചരിത്രം.

വർഷത്തിലൊരുനാൾ ഏപ്രിൽ മാസത്തിൽ വന്യമൃഗങ്ങൾ മേഞ്ഞുനടക്കുന്ന ബന്ദീപൂർ കാട്ടിനുള്ളിൽ അന്തിയുറങ്ങുന്ന തങ്ങളേയും കൂടെപ്പോയ ആദിവാസിയേയും കാണാൻ ഇരട്ടക്കുഴൽ തോക്കേന്തിയ കർണാടക വനപാലകരുടെ സംരക്ഷണത്തിൽ ആയിരങ്ങളാണ് ഇവിടേക്ക് ഒരുകുന്നത്. മാനന്തവാടി മൈസൂർ റോഡിൽ ബാവലി ചെക്ക് പോസ്റ്റ് കഴിഞ്ഞ് അഞ്ചുകിലോമീറ്റർ സഞ്ചരിച്ചാൽ മച്ചൂരെന്ന പ്രദേശത്തെത്താം അവിടെനിന്ന് വലത്തോട്ടുള്ള ചെറിയ റോഡിറങ്ങി മൂന്നുകിലോമീറ്റർ സഞ്ചരിച്ചാൽ മച്ചൂർ ജുമാമസ്ജിദ് കാണാം അവിടെനിന്ന് ഏകദേശം അഞ്ചുകിലോമീറ്റർ സഞ്ചരിച്ചാൽ ഗുണ്ടറയ്ക്ക് പോവാനുള്ള സ്ഥലത്തെത്താം ശേഷം പുഴകടഞ്ഞ് കാട്ടാനകൾ ഉലാത്തുന്ന പുൽമൈതാനിയും കൊടും കാടും കടന്ന് അഞ്ചുകിലോമീറ്റർ നടന്നുവേണം ഗുണ്ടറമഖാമിലെത്താൻ.

മച്ചൂരിനെകുറിച്ച്

എങ്ങും നെൽപാട മൈതാനങ്ങൾ അതിനിടയിലൂടെ പൊട്ടിപ്പൊളിഞ്ഞ ചെറിയൊരു റോഡ്, പാടങ്ങൾക്കിടയിൽ അങ്ങിങ്ങായി ഒാലകൊണ്ടും പുല്ലുകൊണ്ടും മേഞ്ഞ കൊച്ചുവീടുകൾ, അവരുടെ വീടുകളുടെ ഉമ്മറപ്പടിയിലൂടെ ഒഴുകുന്ന കബനിപ്പുഴയുടെ മറുകരയിലോട്ട് നോക്കിയാൽ അവർക്കവരുടെ മലയാള നാടുകാണാം. പ്രകൃതിയോട് പടവെട്ടി ജീവിക്കുന്ന ഒരുപറ്റം ജനത, ഗൗഡന്മാർ എന്നാണത്രെ അവർ അറിയപ്പെടുന്നത്. മുസ്ലിമും ഹിന്ദുവും ക്രിസ്ത്യാനിയും പാർക്കുന്ന ഒരു കൊച്ചു ഗ്രാമം, കർണാടകയുടെ മണ്ണിൽ മലയാളിത്തനിമ ചോരാതെ കാത്തുസൂക്ഷിക്കുന്ന വിഭാഗം

മച്ചൂരുകാരുടെ ഉൽസവമാണ് ഈ ആണ്ടുനേർച്ച, ജാതിമതഭേതമന്യേ അവർ ഒരുമിക്കുകയാണ് മച്ചൂരിലെത്തുന്ന ആയിരങ്ങളെ സ്വീകരിക്കാൻ. പുഴയിൽ ആളുകൾക്ക് സഞ്ചരിക്കാൻ തടയണകൾ നിർമിച്ചും അവർക്ക് ഭക്ഷണവും വെള്ളവും വാഹനവും ഒരുക്കി അവർ ധന്യമാക്കുകയാണ് മച്ചൂരിലെത്തുന്നവരെ.

70 കൂറ്റൻ ഹെയർപിൻ വളവുകൾ താണ്ടി കൊല്ലിമലയിലേക്കൊരു സാഹസിക യാത്ര പോവാം | Kolli Hills Tamilnadu

അൽപ്പം റിസ്ക്കെടുക്കാൻ തയാറുള്ളവക്ക് കേരളത്തിൽ നിന്നും ഒറ്റ ദിവസം കൊണ്ട് പോയി വരാവുന്ന സ്ഥലമാണ് തമിഴ്നാട്ടിലെ കൊല്ലിമല( Kolli hills) പാലക്കാട് നിന്നും 250 കിലോമീറ്റർ അകലെ തമിഴ്നാട്ടിലെ നാമക്കൽ ജില്ലയിൽ സ്ഥിതി ചെയ്യുന്ന കൊല്ലിമല ഈസ് റ്റേൺ ഘാട്ട്സിന്റെ ഭാഗമാണ് പാലക്കാട് നിന്നും 250 കിലോമീറ്റർ ദൂരമുണ്ടെങ്കിലും ഭൂരിഭാഗവും ഉയർന്ന നിലവാരമുള്ള ഹൈവേ ആയതിനാൽ വേഗതയിലും ക്ഷീണമറിയാതെയും സഞ്ചരിക്കാനാവും.പാലക്കാട് നിന്നും വാളയാർ കടന്ന് സേലം ഹൈവേയിലൂടെ വിവിധയിടങ്ങളിൽ ടോൾ കൊടുത്തുകൊണ്ട് കടന്നു പോകുമ്പോൾ  മികച്ച യാത്രാസുഖം കൂടി ലഭിക്കുന്നു. യാത്രാംഗങ്ങളിൽ ഒന്നിലേറെപ്പേർ വണ്ടി ഓടിക്കുന്നവരാണെങ്കിൽ ഇതൊരു മികച്ച യാത്രയായിരിക്കുമെന്നതിൽ സംശയം വേണ്ട.

 വാളയാർ സേലം റോഡിൽ കുമരംപാളയം ,ശങ്കരി എന്നീ സ്ഥലങ്ങൾ കടന്ന് പാലക്കാട് നിന്നും 190 കിലോമീറ്റർ അകലെ കാക്കാ പാളയം എന്ന സ്ഥലത്തെത്തിയാൽ വലത്തോട്ട് തിരിഞ്ഞ് കുറച്ച് ഉൾഗ്രാമങ്ങളിലൂടെ സഞ്ചരിച്ച് മറ്റൊരു ഹൈവേയായ നാമക്കൽ-സേലം ഹൈവേയിൽ കയറി, നാമക്കൽ ദിശയിലേക്ക് സഞ്ചരിച്ച് കലങ്കണി എന്ന സ്ഥലത്തെത്തി, അവിടെ നിന്നും ഇടത്തോട്ട് തിരിഞ്ഞ് തിരുമലപ്പട്ടി റൂട്ടിൽ കൊല്ലിമലയിലേക്ക് പോകാം.ഗൂളിള്‍ മേപ്പിൽ നോക്കുമ്പോൾ നാമക്കൽ ടൗണിലൂടെയും മറ്റും കയറിയിറങ്ങിപ്പോകുന്ന വഴികളും കാണിച്ചു തരുന്നുണ്ടെങ്കിലും അത് വലിയ ട്രാഫിക്ക് ബ്ലോക്കിനും സമയനഷ്ടത്തിനും ഇടയാക്കും. കാക്കാ പാളയം വഴിയാകുമ്പോൾ ട്രാഫിക്ക് ബ്ലോക്കിനുള്ള സാധ്യതകളില്ല.

ഭക്ഷണവും താമസ സൗകര്യവുമെല്ലാം ലഭിയ്ക്കുന്ന ഒരു സ്ഥലമാണ് 70 ഹെയർ പിൻ വളവുകൾ കയറിയാൽ 1300 മീറ്റർ ഉയരത്തിൽ, കോടമഞ്ഞും തണുപ്പുമൊക്കെയായി കാലാവസ്ഥ മാറിമറിയുന്ന  280 ചതുരശ്ര കിലോമീറ്റർ വിസ്തീർണ്ണമുള്ള കൊല്ലിമല്ല .ആദ്യമെത്തുക ഇവിടുത്തെ പ്രധാന ടൗണായ സെമ്മേടിൽ ആണ്. അവിടെ നിന്നും കുറച്ച് മുന്നോട്ട് പോയാൽ മൂലക്കടൈ എന്ന ചെറിയ കവലയിലെത്തും. അവിടെ പാലക്കാട്ടുകാർ നടത്തുന്ന ചെറിയ ഹോട്ടലുണ്ട്. വർഷങ്ങൾക്ക് മുൻപ് അമ്പലപ്പാറയിൽ നിന്നും കുടിയേറിയവരാണവർ.അവിടെ നിന്നും ഉച്ചഭക്ഷണശേഷം കൊല്ലി മലയിലെ ആകർഷണ കേന്ദ്രങ്ങളിലൊന്നായ ആകായ ഗംഗ(ആകാശഗംഗ ) വാട്ടർ ഫാൾസിലേക്ക് നീങ്ങാം... അർപ്പളേശ്വര എന്ന ക്ഷേത്രത്തിനോട് ചേർന്നാണ് ഈ വെള്ളച്ചാട്ടം ഈ ക്ഷേത്ര പരിസരത്തു നിന്നും സുമാർ ആയിരത്തോളം സ്റ്റെപ്പുകൾ താഴോട്ടിറങ്ങിയാലാണ് വെള്ളച്ചാട്ടത്തിനടുത്തെത്താനാവുക. വൈകുന്നേരം മൂന്ന് മണിക്ക് ശേഷം വെള്ളച്ചാട്ടത്തിലേക്ക് പ്രവേശനം അനുവദിക്കില്ല. കുറഞ്ഞത് ഒന്നര മണിക്കൂറെങ്കിലും താഴെപ്പോയി വരാൻ എടുത്തേക്കാം.ആകായ ഗംഗ ഫാൾസിന് ശേഷം കുറച്ച് മാറിയുള്ള എട്ടുകയമ്മൻ ക്ഷേത്രം ലക്ഷ്യമാക്കാം, ആ റൂട്ടിൽ സഞ്ചരിച്ചാൽ കൊല്ലിമലയുടെ ഭൂപ്രകൃതിയും വിവിധ കൃഷിയിടങ്ങളും കാണാം..... വയനാടിന് സമമാണ് കൊല്ലിമലയുടെ ഭൂപ്രകൃതി എന്ന് നമുക്ക് തോന്നും. നെല്ലും നാണ്യവിളകളും പച്ചക്കറിയുമെല്ലാം അവിടെ കൃഷി ചെയ്യുന്നു.എട്ടു കയ്യമ്മൻ ക്ഷേത്രത്തിൽ നിന്നും വീണ്ടും മുന്നോട്ട് പോയാൽ ആദ്യമെത്തിയ സെമ്മേട് ടൗണിൽത്തന്നെ തിരികെയെത്താം..അവിടെ നിന്നും സുമാർ അഞ്ച് മണിയോടെ ചുരമിറങ്ങാൻ തുടങ്ങിയാൽ രാത്രി പന്ത്രണ്ട് മണിയോടെ വീട്ടിൽ തിരിച്ചെത്താം.

കുറേ ദൂരം ഓടാനുള്ളത് കൊണ്ട് സമയം ഒരു മിനിറ്റ് പോലും പാഴാക്കരുത്.പ്രഭാത ഭക്ഷണത്തിന് ശേഷം തുടർച്ചയായി ഓടിയാൽ പിന്നീട് കൊല്ലി മലയിലെ വ്യൂ പോയിന്റു കളിൽ നിർത്തിയാൽ മതിയാകും. ഉച്ചഭക്ഷണത്തിനും വളരെ കുറച്ച് സമയം മാത്രം ചിലവഴിക്കുക, കാരണം വളരെയധികം സമയം വേണ്ടിവരും ആകായ ഗംഗ ഫാൾസ് കാണുന്നതിന്.ആകായ ഗംഗ ഫാൾസ് കണ്ടതിന് ശേഷം എട്ടു കയ്യമ്മൻ ക്ഷേത്രത്തിലേക്കുള്ള യാത്ര പതുക്കെ മതി. കാരണം ആ റൂട്ടിൽ കൊല്ലിമലയുടെ പ്രകൃതിഭംഗിയും വൈവിധ്യവും നമുക്ക് കാണാനാവും. സെമ്മേടിൽ വീണ്ടും നിർത്തി കറുത്തമുതിര പോലെ തനത് നാടൻ ഉത്പന്നങ്ങൾ വാങ്ങാം....എഴുപത് ഹെയർപിൻ ബെന്റുകളുടെ സൗന്ദര്യവും വനഭംഗിയും ആസ്വദിച്ച് ഒരിക്കൽ കൂടി ചുരത്തിലൂടെ സഞ്ചരിച്ച് അടിവാരത്തെ കാരവല്ലി എന്ന സ്ഥലത്ത് നിർത്തിയാൽ കിലോ  30 രൂപ നിരക്കിൽ സിന്ദൂരം മാമ്പഴവും വാങ്ങാം. മികച്ച റോഡായതിനാൽ വാഹനങ്ങൾക്കെല്ലാം നൂറ് കിലോമീറ്ററിന് മേൽ വേഗത്തിൽ സഞ്ചരിക്കാനാവും, തൻമൂലം പലർക്കും അപകടം പറ്റിയിട്ടുണ്ട്, എന്നതിനാൽ തികഞ്ഞ ജാഗ്രതയോടെ പാലക്കാട്ടേക്ക് മടങ്ങാം

കടപ്പാട്

Kolli Hills In Tamil Nadu | 

Aagaya Gangai water falls | 

Arappaleeswarar Temple, Padal Petra Temple | rk nadapuram

കാൽവരി മൗണ്ടിലിരുന്ന് ഇടുക്കി ഡാമിന്റെ ദൂരക്കാഴ്ചകൾ കാണാം | Kalvari Mount Idukki | RK Nadapuram

ഇടവേളകളിൽ വരുന്ന ചാറ്റൽ മഴയിൽ ഈറനണിയുന്ന പുൽമേടുകളും പച്ചഛായം തേച്ച താഴ്വരകളും മഞ്ഞിൽ പൊതിഞ്ഞ് നിൽക്കുന്ന കാടും മലയും ഡാമും ഒക്കെയുള്ള കാൽവരി മൗണ്ടിലെ കാഴ്ചകൾക്ക് വല്ലാത്തൊരു സൗന്ദര്യമാണ്. സമുദ്ര നിരപ്പിൽ നിന്ന് ഏകദേശം നാലായിരം അടി ഉയരത്തിൽ അങ്ങ് ഇടുക്കിയുടെ ഹൈറേഞ്ചിൽ കട്ടപ്പനയ്ക്കടുത്താണ് കാൽവരി മൗണ്ട് സ്ഥിതിചെയ്യുന്നത്. 

ഇടുക്കി ഡാം റിസർവെയറിന്റെ ഇരുകരകളിലുമായി പരന്നുകിടക്കുന്ന വനം പ്രദേശം, അതിന് മുകളിൽ 700ഒാളം അടി ഉയരത്തിൽ സ്ഥിതിചെയ്യുന്ന പുൽമേടുകളാൽ നിറഞ്ഞ കുന്നിൻ പ്രദേശമാണ് കാൽവരി മൗണ്ട്. 

ചെറുതോണിക്കും കട്ടപ്പനയ്ക്കും ഇടയിലാണ് ഈ പ്രദേശം, മെയിൻ റോഡിൽ നിന്ന് ചെറിയ ഒരു ഒാഫ് റോഡ് യാത്രയൊക്കെ ചെയ്ത് വേണം കുന്നിൻ മുകളിലെത്താൻ. ചെന്നുചേരുന്നത് ടുറിസം ഡിപ്പാർട്ട്മെന്റിന്റെ കവാടത്തിലേക്ക്, അവിടുന്ന് പ്രവേശന പാസ് എടുത്താൽ ഉള്ളിലോട്ട് പ്രവേശിക്കാം. നേരം പുലർന്ന് തുടങ്ങിയതെ ഉള്ളു യാത്രക്കാരുടെ നീണ്ട നിരയാണ് ഇവിടെ. 

കുന്നിൻ മുകളിലെ പുൽമേടുകൾക്കിടയിലൂടെ നടന്നിറങ്ങിയാൽ തിങ്ങിനിറഞ്ഞ കാടുകൾക്കിടയിലും മലകൾക്കിടയിലുമായി ഒളിഞ്ഞിരിക്കുന്ന ഇടുക്കി ഡാമിന്റെ അത്ഭുതപ്പെടുത്തുന്ന കാഴ്ചകൾ കാണാം. ഡാം റിസർവെയറിൽ നിരവധി ചെറിയ തുരുത്തുകളുണ്ട്, ഭാഗ്യമുള്ളവർക്ക് വന്യമൃഗങ്ങളുടെ ദൂരക്കാഴ്ചയും കിട്ടും. രാവിലെ കാൽവരി മൗണ്ടിന്റെ പൂർണമായ കാഴ്ച അസാധ്യമാണ്, മഞ്ഞുകൂനകൾക്കൊണ്ട് പ്രകൃതി മറച്ചുപിടിക്കുന്ന സൗന്ദര്യമാണ് കാൽവരി മൗണ്ടിലേക്ക് സഞ്ചാരികളെ ആകർശിക്കുന്നത്.

kalvari mount idukki | cheruthony dam | idukki dam | cheruthoni dam | calvari mount | best tourist place in idukki | rayees koodatt | rk nadapuram