Attappadi - Mulli hairpin one of the Dangerous road to Otty
നീലഗിരികുന്നിന്റെ ഉച്ചിയിലെ മഞ്ചൂരിൽ നിന്ന് ചോറും തിന്ന് കോത്തഗിരിയിൽ മഴ നനയാൻ പോയ വർത്തമാനമൊക്കെ അങ്ങനെ പറഞ്ഞു തീർക്കാൻ പറ്റില്ലടൊ!
കുറഞ്ഞചിലവിൽ റുമുകളും ഫാം ഹൗസുകളും സുലഭമാണ് പാലക്കാടൻ ഗ്രാമങ്ങളിൽ. ഞങ്ങക്ക് 500 രൂപക്ക് എ.സി. റൂം കിട്ടിയ കഥയൊക്കെ ചെറുത് (സ്ഥലം ചോദിക്കണ്ട പറഞ്ഞു തരില്ല). ഭവാനിപ്പുഴയുടെ ഇങ്ങേകരയിലെ താവളത്തുള്ളൊരു ചായക്കടയിൽ നിന്ന് ഏത്തക്കയും പുഴുങ്ങിയ താറാവ് മുട്ടയും കഴിച്ച് തുടങ്ങിയത് കൊണ്ട് കാലത്തെ ഒരു ഇത് ഉണ്ടായിരുന്നു. പ്രകൃതിയുടെ പൊട്ടിയൊലിക്കലിൽ തകർന്നടിഞ്ഞ അട്ടപ്പാടി ചുരത്തിലൂടെയുള്ള അതിരാവിലത്തെ യാത്ര ശ്ശൊ!
രണ്ട് കടകളും തണ്ടർ ബോൾട്ടിന്റെ ക്യാപും ഒരു ക്രൈസ്തവ ദേവലയവും അടങ്ങുന്ന പക്കാ ഒരു അതിർത്ഥി ഗ്രാമം. അവിടുന്നങ്ങോട്ട് തമിഴ്നാട്ടിലെത്താൻ അരകിലോമീറ്ററെ ഉള്ളു പറഞ്ഞിട്ടെന്തു കാര്യം റോഡില്ല, അതിന്റെ പിന്നിലൊരു കഥയുണ്ട് ഈ വഴി മുമ്പ് കൂടുതലാരും യാത്ര പോവാറുണ്ടായിരുന്നില്ല എന്നതാണ് സത്യം. കുറഞ്ഞ കാലമായി ഇതുവഴി കുടുകുടു വണ്ടിക്കാരുടെ കുത്തൊഴുക്കാണ്.
കേരളാ ചെക്പോസ്റ്റ് കടന്ന് ഏകദേശം അരകിലോമീറ്റർ ഇടവഴിയിലൂടെ സഞ്ചരിച്ചാൽ തോക്ക് ചൂണ്ടി പോലിസുകാർ കാവലിരിക്കുന്ന തമിഴ്നാട് ചെക്പോസ്റ്റിലെത്തും. ചാരുമജുംദാറിന്റെ പിൻഗാമികൾ ശക്തിപ്രാപിച്ചതാത്ര ഇവിടം ഈ വിധത്തിൽ സുരക്ഷ ഒരുക്കിയിരിക്കുന്നത്. മുപ്പത് രൂപ കൊടുത്താൽ തമിഴ്നാട് ചെക്പോസ്റ്റ് കടക്കാം,
അവിടുന്നങ്ങോട്ട് ഇടം വലം കാണാത്ത കഷ്ടിച്ച് ഒരു വാഹനത്തിന് മാത്രം പോവാനാവുന്ന തരത്തിൽ 44 വളവുകൾ അതും കിലോ മീറ്ററുകൾ താണ്ടണം. വാൽപറ ചുരത്തിലെ കാഴ്ചകളോട് മൽസരിക്കുകയാണ് മുള്ളി. സൗത്ത് ഇന്ത്യയിലെ തന്നെ ഏറ്റവും അപകട സാധ്യതയുള്ള ചുരങ്ങളിലൊന്ന്. യാത്രക്കാർ വളരെ കുറവ്, രാത്രി കാലമായാൽ പുലിയും ആനയും കരടിയുമൊക്കെ റോഡ് ഏറ്റെടുക്കും.
നീലഗിരിക്കുന്നിലെ ഉച്ചിയിലെ ചെറിയ ടൗണായ മഞ്ചൂരിൽ നിന്ന് വയറുനിറയെ ഭക്ഷണവും കഴിച്ച് എണ്ണിയാൽ ഒടുങ്ങാത്ത കയറ്റിറക്കങ്ങൾ താണ്ടി ചാറ്റൽ മഴയും കൊണ്ട് കോത്തഗിരിക്ക് പോയ കഥ അങ്ങനൊന്നും പറഞ്ഞാൽ തീരില്ലടൊ!
Golden Temple in Kushalnagar, Madikeri | Tibetan Colony in Coorg
Kushalnagar Tibetan Colony | Bylakuppe golden temple | Coorg | Kodague | best tourist place in coorg kodague | Tibetan settlement in Karnataka | Bylakuppe | Namdroling Monastery |
By RK Nadapuram
By RK Nadapuram
ഒറ്റ ദിവസംകൊണ്ട് ഒരു ടിബറ്റൻ യാത്ര
പലനിറത്തിലുള്ള തോരണങ്ങൾ, അതിൽ ടിബറ്റ് ഭാഷയിൽ എന്തൊക്കെയോ എഴുതിയിരിക്കുന്നു. വീടുകളിലും കളിസ്ഥലങ്ങളിലും എന്തിനേറെ പറയുന്നു കാടുപിടിച്ചു കിടക്കുന്ന പ്രദേശങ്ങൾപോലും നിറങ്ങളാൾ സമ്പുഷ്ടമാണ്. വസ്ത്ര ധാരണം കൊണ്ടും ശരീര പ്രകൃതം കൊണ്ടും നമ്മളിൽ നിന്ന് നല്ല അകലം ഉള്ളവരാണ് ടിബറ്റൻസ്. മൈസൂർ ജില്ലയിലെ ബൈരകുപ്പയെന്ന ഒരു കൊച്ചു ഗ്രാമദേശം ലോക ഭൂപടത്തിൽ ഇടംപിടിച്ചത് തികച്ചും വിഭിന്നമായൊരു പ്രക്രിയയിലൂടെയാണ്. ബൈരക്കുപ്പയിൽ നിന്ന് ഏകദേശം 2,500ൽ പരം കിലോമീറ്ററുകൾ അകലെയുള്ള ഒരു ജീവിത സംസ്കാരം ഇവിടേക്ക് പറിച്ചു നട്ടതാണ് അതിന്റെ മൂലകാരണം.
ലോകത്തിലെ തന്നെ ഏറ്റവും വലിയ രണ്ടാമത്തെ ടിബറ്റൻ സെറ്റിൽമെന്റാണ് ബൈരക്കുപ്പയിലേത്. ഹിമാചൽ പ്രദേശിലെ ദർമശാലയാണ് അതിൽ ഒന്നാമത്തേത്. ബൈരക്കുപ്പയിലെ കൂടാതെ നോർത്ത് കർണാടകയിലെ മുൻഡ്കോടെന്ന ഗ്രാമത്തിൽ മറ്റൊരു കോളനി കൂടി ഉണ്ട് കർണാടകത്തിൽ. ലോകത്തിലെ ഏറ്റവും വലിയ ബുദ്ധ പഠന കേന്ദ്രം (നിയൻഗ്മ)സ്ഥിതി ചെയ്യുന്നതും ബൈരക്കുപ്പയിലാണ്.
1961ലാണ് ടിബറ്റുകാർക്കായി 12 കിലോമീറ്റർ ചുറ്റളവിലുള്ള പ്രദേശം മൈസൂർ സംസ്ഥാന സർക്കാർ (കർണാടകയുടെ ആദ്യത്തെ പേര്) അവർക്ക് വിട്ടുനൽകുന്നത്. ടിബൻറ്റൻസിനായി പ്രത്യേക സ്കൂളുകളും അർഹതപ്പെട്ടവർക്ക് സ്കോളർഷിപ്പുകളും കേന്ദ്ര സർക്കാർ ഏർപ്പാട് ചെയ്തു. കുടാതെ മെഡിക്കൽ, എഞ്ചിനിയറിങ് സീറ്റുകൾ റിസർവേഷൻ ചെയ്യുകയും ചെയ്തു.
പതിനാറു വയസ്സിന് മുകളിലുള്ള ടിബറ്റ്ൻസ് നിർബന്ധമായും റജിട്രേഷൻ സർട്ടിഫിക്കറ്റ് സൂക്ഷിക്കേണ്ടതുണ്ട്. ഇവർക്ക് ഇന്ത്യയിൽ താമസിക്കുന്നതിനുള്ള പ്രധാന രേഖയും ഇതാണ്. പുറം രാജ്യങ്ങളിൽ പോവുന്നതിന് yello book എന്ന മറ്റൊരു രേഖകൂടി കേന്ദ്രസർക്കാർ ഇവർക്ക് നൽകുന്നുണ്ട്. ടിബറ്റൻ മാർക്കറ്റുകളും വിദ്യഭ്യാസ സ്ഥാപനങ്ങളും ചിക്കു, ഒാഞ്ച് തുടങ്ങിയ തോട്ടങ്ങളും എല്ലാംകുടെ ഒരു ടിബറ്റൻ ഫീലാണ് ആ 12 കിലോമീറ്റർ ചുറ്റളവിൽ.
Subscribe to:
Posts (Atom)