രുചിയുടെ തറവാടായ കോഴിക്കോട് ഇനി ബീഫ് മന്തിയും | BEST BEEF KUZHIMATHI IN CALICUT

MANTHI MANDHI HOUSE FAMILY RESTAURANT CALICUT , KOZHIKODE | HOUSEBEST KUZHIMANTHI IN KOZHIKODE, CALICUT |BEST BIRIYANI IN CALICUT | BEEF MANTHI IN CALICUT | NAHTDI MANTHI CALICUT | BEST FOOD IN CALICUT | TASTY FOOD IN CALICUT | ARABIAN FOOD IN CALICUT | RK NADAPURAM | KL18 TIMES

ജര്‍മന്‍ സാങ്കേതിക വിദ്യയും അറേബ്യന്‍ രുചിയും ഭക്ഷണ വൈവിധ്യങ്ങലുടെ തറവാടായ കോഴിക്കോട് സംഗമിക്കുകയാണ്. അറേബ്യന്‍ വിഭവമായ മന്തിക്ക് മാത്രമായി കോഴിക്കോട് നിരവധി ഹോട്ടലുകള്‍ ഉണ്ടെങ്കിലും അവിടങ്ങളിലൊന്നും ബീഫ് മന്തി ലഭ്യമല്ല. ഇനി ആ പരാതിയും അവസാനിക്കുകയാണ്, നല്ല അടിപൊളി അറേബ്യന്‍ ശൈലിയിലുള്ള ബീഫ് മന്തിയുമായാണ് മന്തി ഹൗസ് ഫാമിലി റസ്റ്റോറന്റ് (Mandhi House Family Restaurant Calicut) കോഴിക്കോട് രണ്ടാം ഗേറ്റിനടുത്ത് പ്രവര്‍ത്തനമാരംഭിച്ചിരിക്കുന്നത്. ബീഫ് മന്തിക്ക് പുറമേ ചിക്കന്‍ മന്തി, മട്ടന്‍ മന്തി, അല്‍ഫാം മന്തി, ബീഫ് ബിരിയാനി, ചിക്കന്‍ ബിരിയാനി എന്നിവയും ലഭ്യമാണ്. മിതമായ നിരക്കില്‍ നല്ല അടിപൊളി മന്തി കഴിക്കണേല്‍ വേഗം കോഴിക്കോട്ടേക്ക് വണ്ടി കേറിക്കോളീന്‍...

തൊള്ളായിരം കണ്ടിയിലെ മണ്‍വീട്‌ | 900 KANDI WAYANAD | AN ADVENTURE TREKKING SPOT IN WAYANAD

Best trekking place in wayanad | best adventure place in wayanad |  900 kandi stay | chooralmala | discover wayanad | how to reach 900 kandi | 900 kandi images | 

വന്യ മൃഗങ്ങള്‍ വസിക്കുന്ന കാടും, വെള്ളച്ചാട്ടവും, മലനിരകളും അതിന്റെ ഉച്ചിയില്‍ മണ്ണില്‍ തീര്‍ത്തൊരു മണ്‍വീടും ഉണ്ടെങ്കില്‍ എന്ന് സ്വപ്‌നം കണ്ടുനോക്കിയെ! അടിപൊളിയാവില്ലെ, എന്നാല്‍ അത് വെറും സ്വപ്‌നമല്ല അങ്ങനെയൊരു സ്ഥലമുണ്ട്. ഒരു യാത്രികന് ഏറ്റവും ഇഷ്ടപ്പെട്ടതെല്ലാം ഒറ്റ ഫ്രയിമില്‍ വരുന്നൊരിടം. വയനാട്ടിലെ മേപ്പാടിയില്‍ നിന്ന് സൂചിപ്പാറ-ചൂരമല റൂട്ടില്‍ ഏകദേശം 15 കിലോമീറ്റര്‍ സഞ്ചരിച്ചാല്‍ വയനാടിന്റെ കാനന ഭംഗിയുടെ തലസ്ഥാനമായ തൊള്ളായിരം കണ്ടിയിലെത്താം. തിങ്ങിനിറഞ്ഞ വനം പ്രദേശത്തിനിടയിലൂടെ വളരെ വീതികുഞ്ഞ താറിട്ട റോഡ് രണ്ട് കിലോമീറ്റര്‍ മുകലിലോട്ട് എത്തുമ്പോള്‍ കുറേ റിസോട്ട് ഒക്കെ കാണാനാവും.

അവിടുന്നങ്ങോട്ട് റോഡിന്റെ ഇരുവശങ്ങള്‍ മാത്രം കോണ്‍ക്രീറ്റ് ചെയ്ത ചെറിയ റോഡ്. കഷ്ടിച്ച് ഒരു വാഹനത്തിന് മാത്രം പോവാന്‍ കഴിയുന്ന വീതിയലാണ് റോഡുള്ളത്. കുറേയങ്ങ് മുകളിലെത്തുമ്പോള്‍ വലിയൊരു കുളം കാണാം, നാട്ടിന്‍ പ്രദേശങ്ങളില്‍ നിന്ന് പിടിക്കുന്ന പാമ്പുകളെ ഇവിടെയാണ് കൊണ്ടിടുന്നതെന്നാണ് അറിയാന്‍ കഴിഞ്ഞത്. മുകളില്‍ വലിയൊരു വ്യൂ പോയിന്റും വെള്ളച്ചാട്ടവുമുണ്ട്.

വെള്ളച്ചാട്ടത്തിനും വ്യൂ പോയിന്റിലേക്കും പോവുന്നതിന്റെ മുമ്പാണ് നമ്മുടെ സ്വപ്‌നമായ മണ്‍വീട് കിടക്കുന്നത്. മൂക്കില്‍ തുളച്ചു കയറുന്ന കാപ്പിപ്പൂവിന്റെയും പൂത്തുനില്‍ക്കുന്ന ഏലത്തിന്റെയൊക്കെ വര്‍ണാതീതമായ മണങ്ങള്‍ ആസ്വദിച്ചാണ് മണ്‍വീട്ടിലേക്ക് പോവേണ്ടത്. തീര്‍ത്തും മണ്ണില്‍ പണികഴിച്ചൊരു കൊച്ചുവീട്. ഒരു കിച്ചനും ഒരു വലിയ ബെഡ് റൂം, ഇരിക്കാനൊക്കെയായി പുറത്ത് കാപ്പിവടിയില്‍ തീര്‍ത്തൊരു അടിപൊളി  ഇരിപ്പിടം, തൊട്ടടുത്ത് തന്നെ ടോയ്‌ലറ്റും.

കഴിഞ്ഞ ശക്തമായ മഴയിലും ഉരുള്‍പ്പൊട്ടലിലും വീടിന് അങ്ങിങ്ങായി കേടുപാടുകള്‍ സംഭവിച്ചിട്ടുണ്ട്. ഓലയും പുല്ലുമാണ് മുകള്‍ ഭാഗത്ത് ഉപയോഗിച്ചിരിക്കുന്നത്. മലമുകളില്‍ നിന്ന് പൈപ്പുമാര്‍ഗം വരുന്ന ശുദ്ധമായ വെള്ളം ഏത് കാലാവസ്ഥയിലും ലഭ്യമാണ്. തിങ്ങിനില്‍ക്കുന്ന മലകള്‍ക്കിടയിലൂടെ ഊര്‍ന്നിറങ്ങുന്ന സൂചിപ്പാറ വെള്ളച്ചാട്ടം തയുയര്‍ത്തി നില്‍ക്കുന്ന ചെമ്പ്ര പീകും ഒക്കെ സമീപ പ്രദേശങ്ങളില്‍ തന്നെയാണ്.

രാത്രി ഏറെ വൈകിയാണ് ഞങ്ങള്‍ തൊള്ളായിരം കണ്ടിയിലെത്തിയത് മേപ്പാടിയില്‍ നിന്ന് വാങ്ങിയ മീനും ചിക്കനുമൊക്കെ അടിപൊളിയില്‍ ഉണ്ടാക്കി വിശപ്പടക്കിയാണ് കിടന്നുറങ്ങിയത്. ശരീരം കോച്ചുന്ന തണുപ്പാണ് ഈ ചൂടന്‍ കലാവസ്ഥയിലും തൊള്ളായിരം കണ്ടിയില്‍, രാവിലെ എണീറ്റ് തീക്കണലിട്ട് നല്ല കട്ടന്‍ല ചായയും കഞ്ഞിയും ഉണ്ടാക്കി, മലമുകളില്‍ നിന്ന് വരുന്ന പനനീര്‍ വെള്ളത്തില്‍ അടിപൊളിയായി കുളിയും കഴിഞ്ഞാണ് തൊള്ളായിരം കണ്ടിയോട് വിടപറഞ്ഞത്.

ഇനി വയനാട്ടില്‍ പോവാന്‍ ചുരം കയറേണ്ട | BEST OFF ROAD RIDE TO WAYANAD | BEST TREKKING PLACE IN CALICUT | WAYANAD

BEST TREKKING PLACE IN KERALA | BEST TOURIST PLACE IN CALICUT | WAYANAD | NADAPURAM MUDI | KARINGAD MALA | LADAK MALA | KORANGAPPARA |

വയനാട് എന്ന് കേള്‍ക്കുമ്പോള്‍ നമ്മുടെ മനസ്സില്‍ ആദ്യം ഓടിയെത്തുക വളഞ്ഞു പുളഞ്ഞുപോവുന്ന ചുരങ്ങളും അതില്‍ ചീറിപ്പാഞ്ഞ് വരുന്ന വാഹനങ്ങളുമായിരിക്കും. വയനാട് ജില്ലയിലോട്ട് പോവണമെങ്കില്‍ ചുരം
കയറല്‍ നിര്‍ബന്ധമാണ്. താമരശ്ശേരി ചുരം, പാല്‍ ചുരം, നാടുകാണി ചുരം, കുറ്റ്യാടി ചുരം തുടങ്ങിയവയാണ് വയനാട്ടിലേക്കുള്ള പ്രധാന മാര്‍ഗങ്ങള്‍. എന്നാല്‍ ചുരമില്ലാതെ വയനാട്ടിലേക്കെത്താവുന്ന ഒരു വഴിയാണ് പരിചയപ്പെടുത്തുന്നത്. തൊട്ടില്‍പാലത്ത് നിന്ന് ഏകദേശം 6 കിലോമീറ്റര്‍ സഞ്ചരിച്ചാല്‍ നാം കുറ്റ്യാടി ചുരത്തിലെത്തും. കുറ്റ്യാടി ചുരത്തിന് തൊട്ടില്‍പാലം ചുരമെന്നും പക്രംതളം ചുരമെന്നൊക്കെ പേരുണ്ട്. താമരശ്ശേരി ചുരം കഴിഞ്ഞാല്‍ വയനാട്, മൈസൂര്‍, ബാംഗ്ലൂര്‍, തുടങ്ങിയ സ്ഥലങ്ങലിലേക്ക് പോവാന്‍ കോഴിക്കോട് ജില്ലയിലുള്ളവര്‍ പ്രധാനമായും ആശ്രയിക്കുന്നത് കുറ്റ്യാടി ചുരമാണ്.

ചുരം തുടങ്ങുന്നതിന്റെ കുറച്ച് മുമ്പ് പൂതംമ്പാറ എന്നൊരു സ്ഥലമുണ്ട്. അവിടെ നിന്ന് ഇടത്തോട്ട് പോവുന്ന ചെറിയൊരു റോഡ്‌, ആ വഴിയില്‍ ഏകദേശം 9കിലോമീറ്റര്‍ ഓഫ് റോഡില്‍ സഞ്ചരിച്ചാല്‍ വയനാട്ടിലെത്താം. മെയിന്‍ റോഡില്‍ നിന്ന് ഏകദേശം രണ്ട് കിലോമീറ്റര്‍ നല്ല താറിങ് ചെയ്ത റോഡ് കിട്ടും പിന്നിടങ്ങോട്ട് പോവുമ്പോല്‍ നല്ല പൊട്ടിപ്പൊളിഞ്ഞ റോഡാണ്. റോഡിന്റെ ഇരുവശങ്ങളിലും നല്ല ഭംഗിയുള്ള പ്രദേങ്ങളാണ്, ചിലയിടങ്ങളില്‍ പച്ചക്കറി കൃഷിയും മറ്റും കാണാം

പിന്നിടങ്ങോട്ട് മലഞ്ചെരുവിലൂടെയുള്ള യാത്രയാണ്. വളരെ ചുരുങ്ങിയ വീടുകളാണ് ഈ പ്രദേശങ്ങളിലുള്ളത്. ഓഫ് റോഡ് യാത്ര ഇഷ്ടപ്പെടുന്നവര്‍ക്ക് എന്തുകൊണ്ടും തിരഞ്ഞെടുക്കാവുന്ന റൂട്ടാണിത്. ട്രക്കിങ് ഇഷ്ടപ്പെടുന്നവര്‍ക്ക് കയറിപ്പോവാന്‍ നിരവധി ചെറിയ കുന്നുകളും മലനിരകളും ഈ വഴിയിലുണ്ട്. പ്രസിദ്ധമായ നാദാപുരം മുടിയിലോട്ട് പോവേണ്ട പ്രധാന വഴികളിലൊന്ന് ഈ റോഡില്‍ നിന്നാണ് തുടങ്ങുന്നത്. കൂടാതെ കരിങ്ങാട് മല കൊരണപ്പാറ ലടാക്ക് മല തുടങ്ങിയ മല നിരകളിലേക്കുള്ള വഴികളെല്ലാം തുടങ്ങുന്നത് ഈ വഴിയില്‍ നിന്നാണ്‌. കൂറെ മുകളിലെത്തുമ്പോള്‍ വീതി കൂടിയ വലിയൊരു റോഡ് കിട്ടും തൊട്ടടുത്തായി വലിയൊരു ക്രഷര്‍ പ്രവര്‍ത്തിക്കുന്നുണ്ട് അവിടേക്കുള്ള വഴിയാണ് മുകളിലോട്ട് പോവുന്നത്, വലിയ റോഡില്‍ നിന്ന് താഴോട്ട് കാണുന്ന റോഡിലാണ് നമുക്ക് പോവാനുള്ളത്.  

സ്ഥലത്തെക്കുറിച്ച് ചോദിക്കാനും മറ്റും വഴിയിലൊന്നും ആരേയും കണ്ടില്ല. കഴിഞ്ഞ ശക്തമായ മഴയില്‍ ഉരുള്‍ പൊട്ടിയതിന്റെ ബാക്കി പത്രങ്ങള്‍ വഴിയില്‍ അങ്ങിങ്ങായി കാണാം. ഏകദേശം ഒമ്പതാം വളവിന് സമാന്തരമായി എത്തുന്ന സ്ഥലത്ത് നല്ലരീതിയില്‍ സജീകരിച്ച ചെറിയൊരു റിസോര്‍ട്ട് കാണാം, അതിന്റെ തൊട്ട് മുകളിലായി മറ്റൊരു വീട് കൂടിയുണ്ട്, പക്ഷെ അവിടങ്ങളിലൊന്നും ആരും ഉണ്ടായിരുന്നില്ല. അവിടെ നിന്ന് കുറച്ച് ദൂരം മാത്രമാണ് മെയിന്‍ റോഡിലെത്താനുള്ളത്. പക്രംതളത്തിലെ കപ്പല്‍ ബില്‍ഡിങ് ഒരു വൈഡ് ഫ്രയിമില്‍ കാണാം. കാട്ടുവഴികള്‍ താണ്ടി മെയിന്‍ റോഡില്‍ എത്തുമ്പോള്‍ വല്ലാത്തൊരു ഫീലാണ്. ബൈക്ക് യാത്രക്കാര്‍ക്ക് അടിപൊളിയായി പോയി ആസ്വദിക്കാന്‍ പറ്റിയ സൂപ്പര്‍ സ്ഥലമാണിത്‌.

BANDIPUR FOREST FIRE | MUTHUMALAI TIGER RESERVE CLOSED DUE TO FIRE

മനസിൽ കൂരമ്പ് തറയ്ക്കുന്ന കാഴ്ചകൾ

രണ്ടു ദിവസമായി അഗ്നി ഭക്ഷിക്കുന്ന കാടുകളെയാണ് കാണുന്നത്. വനമെന്നത് ഒഴിവ് സമയങ്ങളിൽ നമുക്ക് കുളിർമ പകരാൻ മാത്രമുള്ള ടൂറിസ്റ്റു സ്പോട്ടുകൾ മാത്രമല്ല മറിച്ച് ഭൂമിയുടെ ശ്വാസകോശം കൂടിയാണ്. പ്രകൃതി സംരക്ഷണത്തെ പണ്ട് മുതലേ സിലബസിന്റെ ഭാഗമാക്കി പഠിച്ച നമുക്ക് അറിവില്ലായ്മ എന്ന് പറയുവാൻ സാധിക്കില്ല. അറിഞ്ഞു കൊണ്ട് ചെയ്യുന്നതിനെ അബദ്ധം എന്നും വിളിക്കാൻ സാധിക്കില്ല. ബന്ദിപ്പൂർ കടുവ സങ്കേതത്തിൽ ഉണ്ടായ തീ പിടുത്തത്തിൽ ഹെക്ടറോളം വനഭൂമി ഓർമയായി കൂടെ ഒട്ടേറെ മൃഗങ്ങളും.

മുളക്കൂട്ടങ്ങളും മരച്ചില്ലകളും തമ്മിലുരസി കാട്ടു തീ ഉണ്ടായി എന്ന് നൂറു ശതമാനം ഉറപ്പിച്ചു പറയുവാൻ സാധിക്കില്ല. വെറുതെ വലിച്ചെറിയുന്ന സിഗററ്റ് കുറ്റി കൊണ്ടും ഒരു കാട് സംഹരിക്കപ്പെടാം. ഇത് വേനൽ കാലമാണ് ഒരു 10 മിനിറ്റ് വേനലിൽ നടന്നാൽ നാം തളരുന്നു അപ്പോൾ ദാഹ ജലത്തിന് വേണ്ടി പായുന്ന വൃക്ഷ വേരുകളുടെയും വന്യ മൃഗങ്ങളുടെയും കാര്യമോ!! കൊടും പട്ടിണിയിലായ സസ്യ ഭുക്കുകൾ കാട്ടിൽ വലിച്ചെറിയുന്ന പ്ലാസ്റ്റിക് കവറും കഴിക്കുന്നു. മാംസ ഭുക്കുകളായ മൃഗങ്ങൾ കടന്നു കയറുന്ന നമ്മളെ തന്നെ ആഹാരമാക്കിയേക്കാം.

പ്രകൃതി സ്നേഹികളായ സഞ്ചാരികൾക്ക് വേനലിൽ ഉണങ്ങി കരിഞ്ഞു നിൽക്കുന്ന കാട്ടു മരങ്ങളും പുൽമേടുകളും ഒരു മന സുഖവും തരില്ല . വേനലിൽ കാടിനെ അതിന്റെ വഴിക്ക് വിടുന്നതാണ് നല്ലത്. ഒരു കാടും നമുക്ക് അതിഥി ദേവോ ഭവ: പറയില്ല കാരണം അത് സംരക്ഷിച്ചു കൊണ്ട് പോകുന്ന പ്രകൃതിയുടെ സന്തുലിനാവസ്ഥയിൽ കൈ കടത്താൻ നമ്മളിൽ ചിലത് മതിയെന്ന് അതിനറിയാം. ബഹു:വനം വന്യ ജീവി വകുപ്പ് നിലവിലുള്ള നിയമങ്ങൾ പ്രബലമാക്കുക.

*വേനൽ കാലത്ത് ട്രെക്കിങ് വേണ്ട

*വന്യ ജീവി സങ്കേതങ്ങളിലേക്കും റിസർവുകളിലേക്കുമുള്ള സഞ്ചാരികളുടെ എണ്ണം പരിമിതപ്പെടുത്തുക

*കാടിനുള്ളിൽ കൂടിയുള്ള ഗതാഗതം നിയന്ത്രിക്കുക. വന അതിർത്തിയിൽ നിർത്തിയിട്ടുള്ള ഭക്ഷണ പാകം ചെയ്യൽ എന്നിവ വേണ്ട. പെർ കിലോമീറ്ററിൽ നിന്ന് ഒരു 500 പ്ലാസ്റ്റിക് കുപ്പിയെങ്കിലും കാണും.

* നേരിയ പുക എങ്കിലും കണ്ടാൽ ഫോറെസ്റ് അധികൃതരെ അറിയിക്കുന്നതിലൂടെ ഹെക്ടറോളം വന ഭൂമിയെ രക്ഷിക്കാനാകും. കാട്ടു തീ നിയന്ത്രണത്തിലും അപ്പുറം പോകാം. കാട്ടിൽ അഗ്നി രക്ഷാ ഉപകരണങ്ങൾക്ക് പരിമിതിയുണ്ട്. വിദേശ രാജ്യങ്ങളിലെന്ന പോലെ കാട്ടു തീ ഹെലികോപ്റ്ററിൽ കൂടി കെടുത്തുന്ന സംവിധാനം അടിയന്തിരമായി നമുക്കില്ല.

പച്ചയുടുത്ത് നിൽക്കുന്ന വന്യ സൗന്ദര്യം ഒരു  ലഹരി തന്നെയാണ്. അതിന് ഈ വേനൽ കഴിയട്ടെ!! അത് വരെ നമുക്ക് കാടിനെ അതിന്റെ വഴിക്ക് വിടാം

#Prevent Forest Fire

#Save Wild Life
-unni

കുറ്റ്യാടിയില്‍ ഇങ്ങനൊരു സ്ഥലം നിങ്ങള്‍ കണ്ടിട്ടുണ്ടാവില്ല | KUTTIADY FOREST | PANNIKKOTTURE | JANAKIKKADU

KUTTIADY FOREST | JANAKIKKADU | KUTTIADY RIVER | PERUVANNAMUZYI DAM |  PASHUKKADAV | PANNIKKOTTURE | KAKKAYAM | KARIYATHUMPARA | MARUTHONGARA PANCHAYATH | RK NADAPURAM | KL18 TIMES | 

കുറ്റ്യാടിയില്‍ ഇങ്ങനൊരു സ്ഥലം നിങ്ങള്‍ കണ്ടിട്ടുണ്ടാവില്ല

കുറ്റ്യാടിയില്‍ നിന്ന് അധികം ദൂരെയല്ലാതെ സ്ഥിതി ചെയ്യുന്ന അധി മനോഹരമായൊരു പ്രദേശമാണ് പന്നിക്കോട്ടൂര്‍. കുറ്റ്യാടിയില്‍ നിന്ന് പശുക്കടവ് റൂട്ടില്‍ ഏകദേശം 13 കിലോമീറ്റര്‍ സഞ്ചരിച്ചാല്‍ ഇവിടെയെത്താം. ജാനകിക്കാട്‌ ഇക്കോ ടൂറിസത്തിന് അടുത്തായി സ്ഥിതി ചെയ്യുന്ന പാലത്തിനടിയിലൂടെയുള്ള ചെറിയ വഴിയില്‍ 3 കിലോമീറ്റര്‍ സഞ്ചരിച്ചാല്‍ പന്നിക്കോട്ടുരിലെത്താം.

കുറ്റ്യാടി പുഴയില്‍ സ്ഥിതി ചെയ്യുന്ന ചെറിയ ഭംഗിയുള്ള കുറേ തുരുത്തുകളാണ് മലഞ്ചെരുവിനും പുഴയ്ക്കിടയിലുമായി സ്ഥിതി ചെയ്യുന്ന പന്നിക്കോട്ടൂരെന്ന ഗ്രാമത്തിന്റെ  പ്രധാന ആകര്‍ഷണം. പുഴയില്‍ അങ്ങിങ്ങായുള്ള  പാറക്കെട്ടുകള്‍ വിവിധങ്ങളായ മരങ്ങള്‍ എന്നിവയൊക്കെ പന്നിക്കോട്ടൂരിനെ കൂടുതല്‍ ആകര്‍ഷമുള്ളതാക്കുന്നു.  കാട്ടില്‍ മഴ പെയ്തത് കാരണമായി പുഴയില്‍ വെള്ളം ഉയര്‍ന്ന് അഞ്ചുപേര്‍ മുങ്ങി മരിച്ച കടവന്തറ പുഴ കുറ്റ്യാടി പുഴയുമായി ലയിച്ച് ചേരുന്നത് ഇതിനടുത്ത് വച്ചാണ്. പ്രകൃതി ഭംഗി ആസ്വദിക്കാനും പുഴയില്‍ കുളിക്കാനും നിരവദി ആളുകളാണ് ഇവിടെയെത്തുന്നത്. ജാനകിക്കാട്ടില്‍ പോവുന്നവര്‍ തീര്‍ച്ചയായും കണ്ടിരിക്കേണ്ട സ്ഥലമാണിവിടം. വിവിധ തരം പക്ഷികളാല്‍ ധന്യമാണ് തുരുത്തുകള്‍, നല്ല ഭംഗിയുങ്ങ വനംപ്രദേശം, പുഴകളുടെ സ്വന്തം നാടായ പശുക്കടവാണ് അടുത്തുള്ള മറ്റൊരു വിനോദ സഞ്ചാര കേന്ദ്രം.

 

BEST PLACES NEAR TO KUTTIADY JANAKIKAD ECOTOURISM | PASHUKKADAV | PERUVANNAMUZI DAM

BEST TOURIST PLACES IN KOZHIKODE | KUTTIADY TOURISM | KAKKAYAM | KARIYATHUMPARA | KAKKAYAM DAM | PASHUKKADAV | THOTTILPALAM | JANAKI FOREST | JANAKIKKAD ECOTOURISM | BEST TREKKING PLACES IN CALICUT | TREKKING PLACES IN KAKKAYAM 

ജാനകിക്കാടിനും പെരുവണ്ണാമുഴി ഡാമിനുമിടയിലെ അധികമാരും കാണാത്ത കാഴ്ചകള്‍ തേടിയാണ് യാത്ര. കുറ്റ്യാടിയില്‍ നിന്ന് ഏകദേശം 10 കിലോമീറ്റര്‍ അകലെ സ്ഥിതി ചെയ്യുന്നൊരു വനം പ്രദേശമാണ് ജാനകിക്കാട്. ജാനകിയമ്മ എന്നു പേരുള്ള ഒരു സ്ത്രീയുടെയായിരുന്നു ഈ ഒരു വലിയ പ്രദേശം, അവരുടെ കാല ശേഷം ഇതിന് ജാനകിക്കാട് എന്ന് പേര് ലഭിച്ചു. പ്രകൃതിയെ സ്‌നേഹിക്കുന്നവര്‍ക്ക് ജാനകിക്കാട് ഒരു നവ്യാനുഭവമാവും തീര്‍ച്ച.

പെരുവണ്ണാമുഴി ഡാമിനും കുറ്റ്യാടിക്കുമിടയില്‍ പച്ചവിരിച്ച് നില്‍ക്കുന്ന ഒരു കൊച്ചു വനംപ്രദേശമാണ് ജാനകിക്കാട്. ഇന്ന് ഈ കാട്ടില്‍ കുരങ്ങുകളും എണ്ണിയാലൊതുങ്ങാത്ത പക്ഷികളും വിവിധങ്ങളായ മരങ്ങളും പൂമ്പാറ്റകളും ജാനകിക്കാടിന് മാറ്റ് കൂട്ടുന്നു. ഈ കൊച്ചു വനം പ്രദേശത്തിനുള്ളിലൂടെ ഒരു പുഴ ഒഴുകുന്നുണ്ട്. പ്രസിദ്ധമായ കുറ്റ്യാടിപ്പുഴയുടെ ഒരു കൈ വഴി കൂടിയാണിത്. കുറ്റ്യാടിയേയും മരുതോങ്കരയേയും വേര്‍തിരിക്കുന്നത് യഥാര്‍ത്തത്തില്‍ ഈ പുഴയാണ്. പുഴയുടെ മുകളിലൂടെ ഒരു ചെറിയ പാലമുണ്ട്, കഷ്ടിച്ച് ഒരു വാഹനത്തിന് കടന്നു പോവാനുള്ള ഈ പാലത്തിലിരുന്നാണ് ജാനകിക്കാടിന്റെ മൊഞ്ച് ആസ്വാദിക്കേണ്ടത്.

ജാനകിക്കാട്ടില്‍ നിന്ന് പിന്നെ പോവാനുള്ളത് പെരുവണ്ണാമുഴി ഡാമിലേക്കാണ്. രസകരമായ ചെറിയ മലമ്പാതകള്‍ താണ്ടിവേണം ഇവിടേയ്‌ക്കെത്താന്‍. ഇത് കൂടാതെ മറ്റൊരു വഴികൂടെയുണ്ട് പെരുവണ്ണാമുഴിയിലെത്താന്‍. ജാനകിക്കാട്ടിന്റെ അടുത്തായി സ്ഥിതിചെയ്യുന്ന മറ്റൊരു മലഞ്ചെരുവാണ് പശുക്കടവ്, മലവെള്ളപ്പാച്ചിലില്‍ അഞ്ചുപേരുടെ മരണത്തിനിടയാക്കിയ സംഭവത്തോടയാണ് പശുക്കടവിനെയും ഇവിടത്തെ പുഴകളെക്കുറിച്ചും പുറംനാട്ടുകാര്‍ അറിയാന്‍ തുടങ്ങിയത്. വയനാടന്‍ മലനിരകളില്‍ നിന്ന് ഉല്‍ഭവിക്കുന്ന രണ്ട് പുഴകളാണ് ഈ നാട്ടിലെ പ്രധാന ആകര്‍ഷണം. കൂടാതെ ട്രക്കിങിനായുള്ള കുറേ മലകളും, കൊങ്ങാട് കുരിശ് മലയാണ് അതില്‍ പ്രധാനപ്പെട്ടതാണ്.

പശുക്കടവ് ടൗണ്‍ കഴിഞ്ഞാല്‍ ഉടന്‍ വലതുവശത്തോട്ട് മറ്റൊരു റോഡ് കിട്ടും. അയല്‍ പ്രദേശത്തുള്ളവര്‍ക്കുപോലും ഈ വഴി അത്ര പരിചിതമല്ല. ഏകദേശം മൂന്ന് കിലോമീറ്റര്‍ കൊടും കാട്ടിലൂടെയുള്ള യാത്രയാണ് നമ്മെ കാത്തിരിക്കുന്നത്. നമ്മുടെ നാട്ടില്‍ കടുവയും ആനയും പുലിയും കാട്ടുപോത്തുമൊക്കെ ഇറങ്ങുന്ന സ്ഥലമുണ്ടൊ  എന്ന ചോദ്യത്തിന് ഉണ്ട് എന്ന ഉത്തരം മാത്രമാണുള്ളത്. കുറച്ചു ദിവസങ്ങള്‍ക്ക് മുമ്പ് ഈ പ്രദേശത്ത് കടുവ ഇറങ്ങിയതായി വനം വകുപ്പ് സ്ഥിതീകരിച്ചിരുന്നു. രാത്രികാലങ്ങളില്‍ ആനയും കാട്ടുപോത്തും ഈ വഴിയില്‍ ഉലാത്താറുണ്ട്.

 കാട് കഴിഞ്ഞ് കുറച്ചങ്ങ് ചെല്ലുമ്പോള്‍ നേരെ ചെന്ന് കയറുന്നത് പെരുവണ്ണാമുഴി ഡാമിലേക്കാണ്. ഡാമില്‍ നിന്ന് കക്കയം പോവുന്ന വഴിയില്‍ ഇടതുവശത്തായി മുകളിലോട്ട് ചെറുതായൊരു റോഡുകാണാം.  പെരുവണ്ണമുഴി ഡാമിന്റെയും പുഴയുടെയും ഭംഗി യാഥാര്‍ത്തത്തില്‍ ആസ്വദിക്കേണ്ടത് ഇവിടെ നിന്നാണ്. പോവുന്ന വഴിയില്‍ വലിയൊരു സി.ആര്‍.പി.എഫ്. ക്യാംപ് കാണാം. ഡാമില്‍ നിന്ന് വലിയ പമ്പുകള്‍ ഉപയോഗിച്ച് വെള്ളം മറ്റൊരു മലമുകളിലെത്തിച്ച് ശുദ്ധീകരിക്കുന്നതും അതിന്റെ വെയ്‌സ്റ്റ് വെള്ളം മറ്റൊരു വഴിയിലൂടെ താഴോട്ടിറങ്ങി വരുന്ന കാഴ്ചയൊക്കെ കാണേണ്ടത് തന്നെയാണ്. കോഴിക്കോടിന്റെ പലഭാഗങ്ങളിലേക്ക് ശുദ്ധജലം പോവുന്നത് ഇവിടെ നിന്നാണ്.

 ഡാമിന്റെ വലതു വശത്തായി ചെറിയൊരു വഴിയുണ്ട്, ചെന്നുകയറുന്നത് ഡാമിന്റെ ഉച്ചിയിലുള്ളൊരു വീട്ടിലേക്കാണ്, ഏകദേശം അമ്പത് വര്‍ശഷമായി അവരവിടെ താമസം തുടങ്ങീട്ട്. ഡാമിന്റെ നിര്‍മാണത്തിനൊക്കെ സാക്ഷ്യം വഹിച്ച അമ്മച്ചി ഡാമിനെക്കുറിച്ച് കുറേയധികം കഥകള്‍ പറഞ്ഞുതന്നു. വീടിന്റെ പുറകിലായി ഡാമിലോട്ട് ചെങ്കുത്തായ ഒരിറക്കമുണ്ട്, ചെന്നിറങ്ങുന്നത് വല്ലാത്തൊരു കാഴ്ചയിലേക്കാണ്. ഒരുവശത്ത് പെമുവണ്ണാമുഴിയുടെ സൗന്ദര്യവും മറ്റൊരു വശത്ത് പലനിറങ്ങളില്‍ പരന്നുകിടക്കുന്ന കക്കയത്തിന്റെയും വയനാടിന്റെയും മലനിരകള്‍. പ്രകൃതി ഭംഗി ആസ്വദിക്കുന്നവര്‍ തീര്‍ച്ചയായും എത്തിപ്പെടേണ്ടൊരിടം തന്നെയാണിവിടം.

BIJAPUR (VIJAYAPURA), THE CITY OF ARCHITECT | GOL GUMBAZ | KUDALASANGAMA BAGALKOT

Bijapur, vijayapura karnataka, Gol Gumbaz |  Mohammed Adil Shah | bijapur tourism | Badami | Hampi | Pattadakkal | Bijapur food | Ibrahim Rauza Tomb | Shivgiri Temple | bijapur famous food | bijapur villages | JD patil English medium school mandrup, Solapur | Kudalasangama Bagalkot | Heritage city in india | Hampi | Historical Monuments in India | Historical monuments in Karnataka | 

ദീര്‍ഘമായ ഹംമ്പി യാത്ര കഴിഞ്ഞ് സോളാപൂരിലോട്ട് മടങ്ങും വഴിയാണ് ബീജാപൂരിലെ ഗോല്‍ഗുമസ് എന്ന് അത്ഭുത കേന്ദ്രത്തെക്കുറിച്ച് അറിയാന്‍ കഴിഞ്ഞത്. ഇന്ത്യയിലെ വാസ്തു ശില്‍പ പട്ടികയില്‍ മുന്‍പന്തിയില്‍ നില്‍ക്കുന്ന ഒരു അത്ഭുത കുംഭഗോപുരമാണ് ഗോല്‍ഗുമസ്‌
(Gol Gumbaz). വലുപ്പത്തില്‍ ഇത് ഇന്ത്യയിലെ ഒന്നാമതും ലോകത്തില്‍ രണ്ടാമതുമാണ്. പതിനാറാം നൂറ്റാണ്ടിലാണ്ടിലെ ബീജാപൂരിന്റെ സുല്‍ത്താനായിരുന്ന മുഹമ്മദ് ആദില്‍ഷായാണ് ഇതിന്റെ പണികഴിപ്പിച്ചത്. ഏകദേശം മുപ്പത് വര്‍ഷം വേണ്ടിവന്നു 51 മീറ്റര്‍ ഉയരമുള്ള ഈ കുംഭഗോപുരം നിര്‍മിക്കാന്‍.

കുംഭഗോപുരത്തിലോട്ട് കേറിപ്പോവാനായി നാല് വഴികളാണുള്ളത്, ഇടുങ്ങിയ കോണിപ്പടികളിലൂടെ കയറിച്ചെല്ലുന്നത് അത്ഭുതപ്പെടുത്തുന്ന വിശാലതയിലേക്കാണ്. ഒരു ശബ്ദം ഏഴ് തവണ പ്രതിധ്വനിക്കുമെന്നതാണ് ഇതിന്റെ പ്രത്യേകതകളിലൊന്ന്, വെള്ളിയാഴ്ച ജുമുഅ നിസ്‌കാരത്തിനായി പള്ളി സന്ദര്‍ശകര്‍ക്ക് ഫ്രീയായി തുറന്നുകൊടുക്കുന്നു.

ഹിസ്റ്റോറിക്കല്‍ മൊനുമന്‍സിന് പേരുകേട്ട നഗരങ്ങളിലൊന്നാണ് ബീജാപൂര്‍ അഥവ വിജയപുര. നോര്‍ത്ത് കര്‍ണാടകയില്‍ സ്ഥിതി ചെയ്യുന്ന ഈ ഭംഗിയുള്ള നഗരം ഹൈദരാബാദ് സ്‌റ്റൈല്‍ ഭക്ഷണത്തിന്റെ പ്രധാനൊരിടം കൂടിയാണ്. ബീജാപൂര്‍ ഉള്‍പ്പെടുന്ന അന്നത്തെ വലിയൊരു നാട്ടുരാജ്യം 1518ല്‍ ബഹ്മാനി സുല്‍ത്താനേറ്റ് അഞ്ചായി വിഭജിച്ചതില്‍ പ്രധാനപ്പെട്ടൊരു ഭാഗമായിരുന്നു ബിജാപൂര്‍. പിന്നീട് ഭരണം മാറി മാറി വരുകയും യൂസഫ് ആദില്‍ ഷായുടെ കാലഘട്ടത്തില്‍ ബീജാപൂരിനെ സ്വതന്ത്ര്യ നാട്ടുരാജ്യമായി പ്രഖ്യാപിക്കുകയും ചെയ്തു. നിരവധി രാജാക്കന്മാര്‍ ബീജാപൂര്‍ കീഴടക്കുകയും ഭരണം നടത്തുകയും ചെയ്തതിന്റെ ഫലമാണെന്ന് തോന്നുന്നു ബീജാപൂര്‍ ഇന്നും റിച്ച് നഗരങ്ങളിലൊന്നാണ്.

പഴയ ഓര്‍മകളെ അനുസ്മരിപ്പിക്കുന്ന കുതിര വണ്ടികളും കാളവണ്ടികളും നോര്‍ത്ത് കന്നടയിലെ ഈ നഗരത്തോടുള്ള മുഹമ്പത്ത് കൂട്ടുന്നു. എങ്ങും ഭംഗിയുള്ള ചെറിയ ചെറിയ ഗല്ലികള്‍, കൂടെയുള്ളതിലധികവും മുമ്പ് പലതവണ ബീജാപൂരില്‍ വന്നവരായതിനാല്‍ സ്ഥലത്തെക്കുറിച്ച് കൂടുതല്‍ അറിയാനും കുറെയധികം  സ്ഥലങ്ങള്‍ കാണാനും സാധിച്ചു. ഭക്ഷണമാണ് ഇവിടത്തെ എടുത്ത് പറയേണ്ട സംഗതികളില്‍ ഒന്ന്. വലിയ മോടിപിടിപ്പിക്കാത്ത തനി ബീജാപൂരിയന്‍ ഹോട്ടലുകളിലെ ഫുഡ് അവരുടെ ഭക്ഷണ സംസ്‌കാരത്തിന്റെ ചരിത്രം ചോര്‍ന്നു പോവാത പകര്‍ന്നു തരുന്നതാണ്. 

PLACES AROUND BIJAPUR | VIJAYAPURA

Gulbarga Fort

1. GULBARGA | KALABURAGI 

ബീജാപൂരില്‍ നിന്ന് 159 കിലോമീറ്റര്‍ സഞ്ചരിക്കണം ഗുല്‍ബര്‍ഗയിലെത്താന്‍. കര്‍ണാടകയുടെ വടക്കെ അറ്റത്തു കിടക്കുന്നൊരു ജില്ലയാണ് ഗുല്‍ബര്‍ഗ. വാസ്തു ശില്‍പ്പത്തിന് പേരുകേട്ട നോര്‍ത്ത് കര്‍ണാടകയിലെ മറ്റൊരു നഗരമാണ് ഗുല്‍ബര്‍ഗ അഥവ കല്‍ബുര്‍ഗി. 

Badami Caves Temple Karnataka 

2. BADAMI

ചാലുക്ക്യ സാമ്പ്രാജ്യത്തിന്റെ തലസ്ഥാനമായിരുന്ന ബദാമിയിലേക്കെത്താന്‍ ബീജാപൂരില്‍ നിന്ന് 132 കിലോമീറ്റര്‍ സഞ്ചരിക്കണം. ചുവന്ന കല്ലുള്ള മലകള്‍ തുരന്നും ചെത്തി മിനുക്കിയും തീര്‍ത്ത ക്ഷേത്രങ്ങളാണ് എങ്ങും, ഗുഹാ ക്ഷേത്രം അതില്‍ പ്രധാനപ്പെട്ട ഒന്നാണ്. ഇന്ത്യയിലെ അറിയപ്പെടുന്ന പൈതൃക നഗരങ്ങളിലൊന്നാണ് ബദാമി. 

kudalasangama Karnataka

3. KUDALASANGAMA 

ബീജാപൂരിനടുത്തുള്ള മറ്റൊരു പ്രധാന ഹിന്ദു തീര്‍ത്ഥാടന കേന്ദ്രമാണ് കുടലസംഗമ. ബീജാപൂരില്‍ നിന്ന് വെറും 43 കിലോമീറ്റര്‍ ദൂരമാണ് ഇവിടേക്കുള്ളത്.  കൃഷ്ണ, മലപ്രബ പഴകള്‍ സംഗമിക്കുന്ന സ്ഥലമായതിനാലാണ് പ്രദേശത്തിന് കൂടല്‍സംഗമ എന്ന് പേര് ലഭിച്ചത്. പുഴയ്ക്കടിയിലായ് സ്ഥിതി ചെയ്യുന്ന ക്ഷേത്രമാണ് ഇവിടത്തെ ആകര്‍ഷണങ്ങളിലൊന്ന്.

Main door of Golgumbaz